Post Office Saving Schemes: ಕೇವಲ 114 ತಿಂಗಳಲ್ಲಿ ನಿಮ್ಮ ಹಣ ಡಬಲ್ ಆಗುತ್ತೆ..!

Post Office Saving Schemes: ಟೈಮ್ ಡೆಪಾಸಿಟ್ ಯೋಜನೆಯಡಿ ಆದಾಯ ತೆರಿಗೆ ಕಾಯ್ದೆ 1961ರ ಸೆಕ್ಷನ್ 80ಸಿ ಅಡಿ ತೆರಿಗೆ ವಿನಾಯಿತಿಯ ಪ್ರಯೋಜನವಿದೆ. ಇದರ ಖಾತೆ ತೆರೆಯುವಾಗ ನಾಮನಿರ್ದೇಶನ ಸೌಲಭ್ಯವೂ ಲಭ್ಯವಿದೆ. ಇದರ ಜೊತೆಗೆ ಅಕಾಲಿಕ ಹಿಂಪಡೆಯುವಿಕೆಗೆ ದಂಡ ವಿಧಿಸಲಾಗುತ್ತದೆ.

ಪೋಸ್ಟ್ ಆಫೀಸ್ ಟೈಮ್ ಡೆಪಾಸಿಟ್

Post Office Saving Schemes: ನಿಮ್ಮ ಹಣವನ್ನು ಸುರಕ್ಷಿತವಾಗಿ ಹೂಡಿಕೆ ಮಾಡಲು ಪೋಸ್ಟ್ ಆಫೀಸ್ ಅತ್ಯುತ್ತಮ ಆಯ್ಕೆ. ಅಂಚೆ ಕಚೇರಿಯಲ್ಲಿ ಹಲವಾರು ಸಣ್ಣ ಉಳಿತಾಯ ಯೋಜನೆಗಳು ಮತ್ತು FDಗಳಿದ್ದರೂ ಪೋಸ್ಟ್ ಆಫೀಸ್‍ನ ಟೈಮ್ ಡೆಪಾಸಿಟ್ ಸ್ಕೀಮ್ ಬಗ್ಗೆ ನಿಮಗೆ ತಿಳಿಸಿಕೊಡಲಿದ್ದೇವೆ. ನೀವು ಈ ಉಳಿತಾಯ ಯೋಜನೆಯಲ್ಲಿ SBI ಬ್ಯಾಂಕ್‍ಗಿಂತಲೂ ಹೆಚ್ಚಿನ ಬಡ್ಡಿ ಪಡೆಯತ್ತೀರಿ. ಈ ಯೋಜನೆಯಡಿ ನೀವು 1, 2, 3 ಮತ್ತು 5 ವರ್ಷಗಳವರೆಗೆ ಹಣ ಠೇವಣಿ ಮಾಡಬಹುದು. ಇದರಿಂದ ನೀವು ಉತ್ತಮ ಬಡ್ಡಿ ಪ್ರಯೋಜನ ಪಡೆಯಬಹುದಾಗಿದೆ.

ಶೇ.7.5ರಷ್ಟು ಬಡ್ಡಿ  

SBIನಲ್ಲಿ 5 ವರ್ಷಗಳ ಸ್ಥಿರ ಠೇವಣಿಯ ಮೇಲೆ ಶೇ.6.50ರಷ್ಟು ವಾರ್ಷಿಕ ಬಡ್ಡಿ ಸಿಗುತ್ತದೆ. ಆದ್ರೆ ಪೋಸ್ಟ್ ಆಫೀಸ್ ಟೈಮ್ ಡೆಪಾಸಿಟ್ ಯೋಜನೆಯಡಿ 5 ವರ್ಷಗಳ ಠೇವಣಿ ಮೇಲೆ ವಾರ್ಷಿಕ ಶೇ.7.5ರಷ್ಟು ಬಡ್ಡಿ ಪಡೆಯಬಹುದು. ನೀವು 1ರಿಂದ 3 ವರ್ಷಗಳ ಟಿಡಿ ಮಾಡಿದ್ರೆ ಶೇ.6.90ರ ದರದಲ್ಲಿ ಬಡ್ಡಿ ಪಡೆಯುತ್ತೀರಿ. ಇದಲ್ಲದೆ ನೀವು 5 ವರ್ಷಗಳವರೆಗಿನ ಠೇವಣಿಗಳ ಮೇಲೆ ಶೇ.7.5ರಷ್ಟು ಬಡ್ಡಿ ಪ್ರಯೋಜನ ಪಡೆಯುತ್ತೀರಿ.

ಇದನ್ನೂ ಓದಿ: 3D Printed Post Office: ಬೆಂಗಳೂರಿನಲ್ಲಿ ಭಾರತದ ಮೊದಲ 3D ಮುದ್ರಿತ ಅಂಚೆ ಕಚೇರಿ

114 ತಿಂಗಳಲ್ಲಿ ಹಣ ಡಬಲ್!: ನೀವು ಟೈಮ್ ಡೆಪಾಸಿಟ್ ಯೋಜನೆಯಡಿ ಹಣ ಹೂಡಿಕೆ ಮಾಡಿದ್ರೆ ಶೇ.7.5ರ ಬಡ್ಡಿಯೊಂದಿಗೆ ನಿಮ್ಮ ಹಣ ದ್ವಿಗುಣಗೊಳ್ಳಲು 9 ವರ್ಷ 6 ತಿಂಗಳು ಅಂದರೆ 114 ತಿಂಗಳು ಬೇಕಾಗುತ್ತದೆ.  

ಠೇವಣಿ ಮಾಡಬೇಕಾದ ಮೊತ್ತ : 5 ಲಕ್ಷ ರೂ.

ಈ ಯೋಜನೆಯಡಿ ಸಿಗುವ ಬಡ್ಡಿ: ಶೇ.7.5ರಷ್ಟು

ಮೆಚ್ಯೂರಿಟಿ ಅವಧಿ: 5 ವರ್ಷಗಳು

ಮೆಚ್ಯೂರಿಟಿ ಮೊತ್ತ: 7,24,974 ರೂ.

ಬಡ್ಡಿ ಪ್ರಯೋಜನ: 2,24,974 ರೂ. 

ಯಾರು ಖಾತೆ ತೆರೆಯಬಹುದು?: ಈ ಯೋಜನೆಯಡಿ ಪ್ರತಿಯೊಬ್ಬರೂ ಸಹ ಖಾತೆ ತೆರೆಯಬಹುದು. 3 ವಯಸ್ಕರು ಒಟ್ಟಾಗಿ ಜಂಟಿ ಖಾತೆ (ಟೈಮ್ ಡೆಪಾಸಿಟ್ ಜಂಟಿ ಖಾತೆ) ತೆರೆಯಬಹುದು. ಅದೇ ರೀತಿ ಪೋಷಕರು 10 ವರ್ಷಕ್ಕಿಂತ ಮೇಲ್ಪಟ್ಟ ಮಕ್ಕಳ ಹೆಸರಿನಲ್ಲಿ ಖಾತೆ ತೆರೆಯಬಹುದು.

ಟೈಮ್ ಡೆಪಾಸಿಟ್'ನ ಪ್ರಯೋಜನ: ಟೈಮ್ ಡೆಪಾಸಿಟ್ ಯೋಜನೆಯಡಿ ಆದಾಯ ತೆರಿಗೆ ಕಾಯ್ದೆ 1961ರ ಸೆಕ್ಷನ್ 80ಸಿ ಅಡಿ ತೆರಿಗೆ ವಿನಾಯಿತಿಯ ಪ್ರಯೋಜನವಿದೆ. ಇದರ ಖಾತೆ ತೆರೆಯುವಾಗ ನಾಮನಿರ್ದೇಶನ ಸೌಲಭ್ಯವೂ ಲಭ್ಯವಿದೆ. ಇದರ ಜೊತೆಗೆ ಅಕಾಲಿಕ ಹಿಂಪಡೆಯುವಿಕೆಗೆ ದಂಡ ವಿಧಿಸಲಾಗುತ್ತದೆ.

ಇದನ್ನೂ ಓದಿ: ಹಿರಿಯ ನಾಗರಿಕರಿಗೊಂದು ಭಾರಿ ಸಂತಸದ ಸುದ್ದಿ, ಈ 4 ಬ್ಯಾಂಕ್ ಗಳಲ್ಲಿ ನಿಮ್ಮ ಖಾತೆಯೂ ಇದೆಯಾ?