VIDEO: "ವೈಷ್ಣವ ಜನ ತೋ" ಗೀತೆ ಹಾಡಿದ ಸೌದಿ ಅರೇಬಿಯಾದ ಪ್ರಸಿದ್ಧ ಗಾಯಕ

ದುಬೈ: ರಾಷ್ಟ್ರಪಿತ ಮಹಾತ್ಮ ಗಾಂಧಿಯವರ ಅಚ್ಚುಮೆಚ್ಚಿನ ಭಜನೆ "ವೈಷ್ಣವ ಜನ ತೋ" ವನ್ನು ಇನ್ಮುಂದೆ ಹೆಚ್ಚಿನ ಭಾಷೆಯಲ್ಲಿ ಕೇಳಬಹುದು. ಇದೀಗ ಸೌದಿ ಅರೇಬಿಯಾದ ಪ್ರಸಿದ್ಧ ಗಾಯಕ ಯಾಸಿರ್ ಹಬೀಬ್ ಅವರ ಧ್ವನಿಯಲ್ಲಿ ಈ ಪ್ರಸಿದ್ಧ ಗೀತೆ ಮೂಡಿಬಂದಿದೆ. ಅವರು ಬಾಪು ಅವರನ್ನು ತನ್ನದೇ ಆದ ಶೈಲಿಯಲ್ಲಿ ನೆನಪಿಸಿಕೊಂಡು ಈ ಗೀತೆ ಹಾಡಿದ್ದಾರೆ. ಮಹಾತ್ಮ ಗಾಂಧಿಯವರ 150 ನೇ ಜನ್ಮ ದಿನಾಚರಣೆ ಸಂದರ್ಭದಲ್ಲಿ ಶಾಂತಿ ಧೂತನನ್ನು ಇಡೀ ವಿಶ್ವವೇ ನೆನಪಿಸಿಕೊಂಡಿದೆ. ಸೌದಿ ಅರಬ್ ಮತ್ತು ಗಲ್ಫ್ ದೇಶಗಳು, ಈ ಸಮಯದಲ್ಲಿ, ಅಹಿಂಸೆಯ ಈ ಅತಿದೊಡ್ಡ ಪಾದ್ರಿಯನ್ನು ತಮ್ಮದೇ ಆದ ಶೈಲಿಯಲ್ಲಿ ನೆನಪಿಸಿಕೊಂಡಿದ್ದಾರೆ.

ಬ್ಯಾಂಕ್ ಉದ್ಯಮಿ ಮತ್ತು ಗಾಯಕರೂ ಆಗಿರುವ ಯಾಸಿರ್ ಹಬೀಬ್ ಅವರು ಗಾಂಧಿಯವರ ನೆಚ್ಚಿನ "ವೈಷ್ಣವ ಜನ ತೋ" ಅನ್ನ ಹಾಡುತ್ತಾ ಪ್ರೇಮ ಮತ್ತು ಸಾಮರಸ್ಯದ ಸಂದೇಶವನ್ನು ನೀಡಿದರು. 

5ನೇ ಶತಮಾನದಲ್ಲಿ ಗುಜರಾತಿಯಲ್ಲಿ ಈ ಕವಿತೆಯನ್ನು ನರಸಿಂಹ ಮೆಹ್ತಾ ಎನ್ನುವವರು ರಚಿಸಿದರು. ಈ ಕೀರ್ತನವನ್ನು ಗುಜರಾತಿನಲ್ಲಿ ಮಾತ್ರ ಬರೆಯಲಾಗಿತ್ತು. ಮಹಾತ್ಮ ಗಾಂಧಿಯವರ ಈ ಪ್ರೀತಿಯ ಭಜನೆಯನ್ನು ಅವರ 150ನೇ ಜನ್ಮದಿನ ಅಂಗವಾಗಿ ವಿದೇಶಗಳಲ್ಲಿರುವ ಎಲ್ಲಾ ಭಾರತೀಯ ಹೈಕಮಿಷನ್ ಕಛೇರಿಗಳು ಸಂಗೀತ ತಂಡಗಳನ್ನು ರಚಿಸಿ ಗಾಂಧಿ ಜಯಂತಿಗೂ ಮುನ್ನ ಈ ಭಜನೆಯನ್ನು ರೆಕಾರ್ಡ್ ಮಾಡಿವೆ. 

ಅಲ್ಲದೆ ವಿಶ್ವದ ಅತಿ ಎತ್ತರದ ಕಟ್ಟಡ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿರುವ ಬುರ್ಜ್ ಖಲೀಫಾ ಕಟ್ಟಡದ ಮೇಲೆ ಎಲ್ಇಡಿ ಪ್ರೊಜೆಕ್ಟರ್ ಮೂಲಕ ಗಾಂಧೀಜಿ ಅವರ ಜೀವನ ಸಂದೇಶವನ್ನು ಸಾರುವ ಮೂಲಕ ವಿಶೇಷ ರೀತಿಯ ಗೌರವ ಸಲ್ಲಿಸಿದೆ.