ಸೋಷಿಯಲ್ ಮಿಡಿಯಾದಲ್ಲಿ ಸೌಂಡ್ ಮಾಡ್ತಿದೆ 'ಯೋಗಿ ದುನಿಯಾ' ಚಿತ್ರದ `ಜನನಾ ಮರಣಾ' ಹಾಡು...

 ಈ ಚಿತ್ರದ ಹಾಡುಗಳಲ್ಲಿ ಯೋಗಿ ಡ್ಯಾನ್ಸ್ ಮಾಡಿರೋ 'ಜೋರು ಮಗಾ ಬಾರೋ ಮಗಾ ...' ಹಾಡು ಸಖತ್ ಹಿಟ್ ಆಗಿದೆ.

Updated: Mar 13, 2018 , 02:05 PM IST
ಸೋಷಿಯಲ್ ಮಿಡಿಯಾದಲ್ಲಿ ಸೌಂಡ್ ಮಾಡ್ತಿದೆ 'ಯೋಗಿ ದುನಿಯಾ' ಚಿತ್ರದ `ಜನನಾ ಮರಣಾ' ಹಾಡು...

ಬೆಂಗಳೂರು: ಲೂಸ್ ಮಾದ ಯೋಗಿ ಅಭಿನಯದ ಬಹು ನಿರೀಕ್ಷಿತ ಸಿನಿಮಾ ‘ಯೋಗಿ ದುನಿಯಾ’. ಬಹು ಸಮಯದ ನಂತರ ತಮ್ಮದೇ ಬ್ಯಾನರ್ನಲ್ಲಿ ಮಾಡುತ್ತಿರುವ ಈ ಚಿತ್ರದಲ್ಲಿ ಸಿಹಿಕಹಿ ಚಂದ್ರು ಅವರ ಪುತ್ರಿ ಹಿತ ಚಂದ್ರಶೇಖರ್ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. 

ಅಷ್ಟೇ ಅಲ್ಲ, ಯೋಗಿ ಮದುವೆಯಾದ ನಂತರ ಇದೇ ಮೊದಲ ಬಾರಿಗೆ ನಟಿಸುತ್ತಿರುವ ಚಿತ್ರ 'ಯೋಗಿ ದುನಿಯಾ'. ಇದೀಗ ಈ ಚಿತ್ರದ ಹಾಡುಗಳಲ್ಲಿ ಯೋಗಿ ಡ್ಯಾನ್ಸ್ ಮಾಡಿರೋ 'ಜೋರು ಮಗಾ ಬಾರೋ ಮಗಾ ...' ಹಾಡು ಸಖತ್ ಹಿಟ್ ಆಗಿದೆ. ಈ ಹಾಡಿಗೆ ಯೋಗಿ ಸಖತ್ ಆಗಿ ಸ್ಟೆಪ್ ಹಾಕಿದ್ದಾರೆ. 

ಈ ಹಾಡಿನೊಂದಿಗೆ ಚಿತ್ರದ 'ಜನನಾ ಮರಣಾ…' ಅಂತ ಚಿತ್ರದ ನಾಯಕಿಯ ಪರಿಸ್ಥಿತಿಯನ್ನು ಬಿಚ್ಚಿಡುವ ಹಾಡು ಎಲ್ಲರ ಮನಗೆದ್ದಿದೆ. ಭರತ್‌ ಬಿಜೆ ಸಂಗೀತ ಸಂಯೋಜನೆಗೆ ಗಾಯಕಿ ಇಂಚರಾ ರಾವ್‌ ಧ್ವನಿಗೂಡಿಸಿದ್ದಾರೆ. ಬಹಳ ಇಮ್ಪಾಗಿರುವ ಈ ಹಾಡು ಸಾಮಾಜಿಕ ಜಾಲತಾಣದಲ್ಲಿ ಬಹಳ ಹಿಟ್ ಆಗಿದೆ. 

ಹರಿ ಅವರ ನಿರ್ದೇಶನದಲ್ಲಿ ಮೂಡಿಬಂದಿರುವ ಈ ಚಿತ್ರಕ್ಕೆ ಎನ್.ವೆಂಕಟೇಶ್ ಬಾಬು, ಮಹೇಶ್ ಸಿದ್ದರಾಜು ಬಂಡವಾಳ ಹಾಕಿದ್ದಾರೆ. ಸದ್ಯದಲ್ಲೇ ‘ಯೋಗಿ ದುನಿಯಾ’ ಚಿತ್ರ ಬಿಡುಗಡೆಯಾಗಲಿದ್ದು, ಸ್ಯಾಂಡಲ್‍ವುಡ್‍ನಲ್ಲಿ ಯಾವ ಮಟ್ಟಕ್ಕೆ ಹವಾ ಕ್ರಿಯೇಟ್ ಮಾಡಲಿದೆ ಎಂಬುದನ್ನು ಕಾದು ನೋಡಬೇಕಿದೆ. 

By continuing to use the site, you agree to the use of cookies. You can find out more by clicking this link

Close