‘ಟಿಕೆಟ್ ಕೊಡಿ ಅಜ್ಜಿ’ ಎಂದಿದ್ದಕ್ಕೆ ವಿದ್ಯಾರ್ಥಿನಿಗೆ ಮೇಲೆ ಮಹಿಳಾ ಕಂಡಕ್ಟರ್ ಹಲ್ಲೆ!

ವಿದ್ಯಾರ್ಥಿನಿಗೆ ಕಪಾಳಮೋಕ್ಷ !

ಮಂಡ್ಯ: ‘ಟಿಕೆಟ್ ಕೊಡಿ ಅಜ್ಜಿ’ ಎಂದು ಕೇಳಿದ್ದಕ್ಕೆ ಕೋಪಗೊಂಡ ಮಹಿಳಾ ಕಂಡಕ್ಟರ್ ಒಬ್ಬರು ವಿದ್ಯಾರ್ಥಿನಿಗೆ ಕಪಾಳಮೋಕ್ಷ ಮಾಡಿದ್ದಾರೆ. ಮಂಡ್ಯ – ಭಾರತೀನಗರ ಬಸ್‍ನಲ್ಲಿ ಬುಧವಾರ ಈ ಘಟನೆ ನಡೆದಿದೆ.

ಭಾರತೀನಗರದಿಂದ ಮಂಡ್ಯಕ್ಕೆ ತೆರಳುತ್ತಿದ್ದ ವಿದ್ಯಾರ್ಥಿನಿ ಕಾವ್ಯಶ್ರಿ ಎಂಬಾಕೆ ಟಿಕೆಟ್ ಪಡೆಯುವಾಗ ಮಹಿಳಾ ಕಂಡಕ್ಟರ್‍ ಸೌಭಾಗ್ಯ ಎಂಬುರಿಗೆ ‘ಅಜ್ಜಿ’ ಎಂದು ಕರೆದಿದ್ದಾಳೆ. ಪ್ರಯಾಣಿಕರು ಹೆಚ್ಚಿದ್ದ ಕಾರಣ ಅವರ ಕಣ್ಣು ಕೆಂಪಗಾಗಿದೆ. ‘ನಿನಗೆ ನಾನು ಅಜ್ಜಿಯಂತೆ ಕಾಣುತ್ತೇನಾ?’ ಅಂತಾ ವಿದ್ಯಾರ್ಥಿನಿಯ ಕೆನ್ನೆಗೆ ಹೊಡೆದಿದ್ದಾರಂತೆ.

ಇದನ್ನೂ ಓದಿ: ಜಾಮೀನು ಸಿಕ್ಕರೂ ನಾರಾಯಣಗೌಡಗೆ ತಪ್ಪದ ಸಂಕಷ್ಟ!

ಇದರಿಂದ ಮನನೊಂದ ವಿದ್ಯಾರ್ಥಿನಿಗೆ ಕಾವ್ಯಶ್ರೀ ಸ್ಥಳದಲ್ಲಿಯೇ ಬಸ್‍ ನಿಲ್ಲಿಸುವಂತೆ ಹೇಳಿ ನೇರವಾಗಿ ಪಟ್ಟಣ ಪೊಲೀಸ್ ಠಾಣೆಗೆ ತೆರಳಿ ಸೌಭಾಗ್ಯ ವಿದ್ಧ ದೂರು ದಾಖಲಿಸಿದ್ದಾಳೆ.

‘ಬಸ್‍ನಲ್ಲಿ ಪ್ರಯಾಣಿಕರು ಹೆಚ್ಚಿದ್ದ ಕಾರಣ ನನಗೆ ಮುಜುಗರವಾಗುವಂತೆ ವಿದ್ಯಾರ್ಥಿನಿ ನಡೆದುಕೊಂಡಿದ್ದಾಳೆ. ನನಗೆ ಅಜ್ಜಿ ಎಂದು ಕರೆಯುವ ಮೂಲಕ ಅವಮಾನ ಮಾಡಿದ್ದಾಳೆ. ಹೀಗಾಗಿ ನಾನು ಆಕೆಗೆ ಕಪಾಳಮೋಕ್ಷ ಮಾಡಿದೆ ಎಂದು ನಿರ್ವಾಹಕಿ ಸೌಭಾಗ್ಯ ತಿಳಿಸಿದ್ದಾರಂತೆ.  

ಇದನ್ನೂ ಓದಿ: 9ನೇ ತರಗತಿ ವಿದ್ಯಾರ್ಥಿನಿಗೆ ಗಂಡು ಮಗು ಜನನ!

ವಿದ್ಯಾರ್ಥಿನಿ ಕಾವ್ಯಶ್ರೀ ಸಂಬಂಧಿಕರು ಮತ್ತು ವಿವಿಧ ಸಂಘಟನೆಗಳ ಸದಸ್ಯರು ಠಾಣೆಯ ಎದುರು ಬಂದು ಪ್ರತಿಭಟನೆ ನಡೆಸಿದ್ದಾರೆ. ನಿರ್ವಾಹಕಿ ಸೌಭಾಗ್ಯರ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಆಗ್ರಹಿಸಿದ್ದಾರೆ.