ಪಿಎಸ್ಐ ಅಕ್ರಮ ನೇಮಕಾತಿ: 52 ಜನರನ್ನು ಶಾಶ್ವತ ಡಿಬಾರ್ ಮಾಡಿ ಆದೇಶ

ಬೆಂಗಳೂರು: 545 ಹುದ್ದೆಗಳ ಪಿ ಎಸ್‌ಐ ಗಳ ನೇಮಕಾತಿಯ ಲಿಖಿತ ಪರೀಕ್ಷೆಯಲ್ಲಿ ಅಕ್ರಮ ಸಾಬೀತಾದ ಬೆನ್ನಲ್ಲೆ 52 ಜನ ಬಂಧಿತರಲ್ಲಿ ಅವರೆಲ್ಲರನ್ನು ಸಿಐಡಿ ಶಾಶ್ವತವಾಗಿ ಡಿಬಾರ್ ಮಾಡಿದೆ.

ಇದನ್ನೂ ಓದಿ: Udyoga Mela: ನಿರುದ್ಯೋಗಿಗಳಿಗೆ ಗುಡ್ ನ್ಯೂಸ್, ನಾಳೆ ಉದ್ಯೋಗ ಮೇಳ

ಈಗ ಅವರು ಪೊಲೀಸ್ ಇಲಾಖೆಯ ಯಾವುದೇ ಪರೀಕ್ಷೆಯಲ್ಲಿ ಭಾಗಿಯಾಗದಂತೆ ಆದೇಶ ಹೊರಡಿಸಿದೆ.ಜಾಗೃತ್, ಗಜೇಂದ್ರ, ಸೋಮನಾಥ್ ಮಲ್ಲಿಕಾರ್ಜುನಯ್ಯ ಹಿರೇಮಠ ರಘವೀರ್, ಚೇತನ್ ಕುಮಾರ್, ವೆಂಕಟೇಶ್ ಗೌಡ, ಮನೋಜ್ ಮನುಕುಮಾರ್, ಸಿದ್ದಲಿಂಗಪ್ಪ, ಮಮತೇಶ್ ಗೌಡ, ಯಶವಂತಗೌಡ ನಾರಾಯಣ್, ನಾಗೇಶ್ ಗೌಡ, ಮಧು ಸೇರಿದಂತೆ 52 ಜನರನ್ನು ಡಿಬಾರ್ ಮಾಡಿದೆ.

ಇದನ್ನೂ ಓದಿ: ಚಿಕ್ಕೋಡಿಯಲ್ಲಿ ಅಂತಾರಾಷ್ಟ್ರೀಯ ಯೋಗ ದಿನ ಆಚರಣೆ

ಆರೋಪಿಗಳ ವಿರುದ್ಧ ವಿವಿಧೆಡೆ ಎಫ್ಐಆರ್ ದೂರು ದಾಖಲಾದ ಹಿನ್ನೆಲೆಯಲ್ಲಿ ಸಿಐಡಿ ತನಿಖಾ ವರದಿಯನ್ನು ಆಧರಿಸಿ ಡಿಜಿಪಿ ಕಮಲ್ ಪಂತ್ 1977ರ ಕರ್ನಾಟಕ ನಾಗರಿಕ ಸೇವೆಗಳ (ಸಾಮಾನ್ಯ ನೇಮಕಾತಿ) (ತಿದ್ದುಪಡಿ) ನಿಯಮ-20ರ ಅನ್ವಯ ಕ್ರಮ ತೆಗೆದುಕೊಂಡಿದ್ದಾರೆ.ಈಗ ಅವರು ಪೋಲಿಸ್ ಇಲಾಖೆಯ ಪೊಲೀಸ್ ಇಲಾಖೆಯ ಯಾವುದೇ ನೇಮಕಾತಿ ಪ್ರಕ್ರಿಯೆಯಲ್ಲಿ ಭಾಗವಹಿಸುವಂತಿಲ್ಲ ಎಂದು ನೇಮಕಾತಿ ವಿಭಾಗದ ಡಿಜಿಪಿ ಕಮಲ್ ಪಂತ್ ಆದೇಶ ಹೊರಡಿಸಿದ್ದಾರೆ.