ಟ್ರೇನ್‌ನಲ್ಲಿ ವೃದ್ಧ ದಂಪತಿಗಳು 22,000 ರೂ. ದಂಡ: ಆದರೆ ಮಗನಿಗೆ 40000 ರೂ. ಪರಿಹಾರ!

Viral News: ಕಳೆದ ವರ್ಷ ವೃದ್ಧ ದಂಪತಿಗಳು ರೈಲಿನಲ್ಲಿ ಪ್ರಯಾಣಕ್ಕಾಗಿ ಟೀಕೆಟ್‌ ಖರೀದಿಸಿದರೂ, ಅಲ್ಲಿ ಟಿಸಿ ಅವರಿಗೆ ಟಿಕೇಟ್‌ ರಹಿತ ಪ್ರಯಾಣಿಕರೆಂದು 22,000 ರೂ.ಗಿಂತ ಹೆಚ್ಚಿನ ದಂಡವನ್ನು ವಿಧಿಸಿದರು. ಆದರೆ ಈ ದಂಪತಿಯ ಪುತ್ರ ಕೋರ್ಟ್‌ನಲ್ಲಿ IRCTC ವಿರುದ್ದ ದೂರು ದಾಖಲಿಸಿದ ಬಳಿಕ, ಇತ್ತೀಚೆಗೆ 40,000 ರೂ. ಪರಿಹಾರವಾಗಿ ಪಡೆದರು.

Indian Railway: ಕಳೆದ ವರ್ಷ ಬೆಂಗಳೂರಿನ ವೃದ್ಧ ದಂಪತಿಗಳು ರಾಜಧಾನಿ ಎಕ್ಸ್‌ಪ್ರೆಸ್‌ನಲ್ಲಿ ಪ್ರಯಾಣಿಸುತ್ತಿದ್ದರು ಮತ್ತು ಎಸಿ ಪ್ರಥಮ ದರ್ಜೆ ಟಿಕೆಟ್‌ಗಳನ್ನು ದೃಢೀಕರಿಸಿದ್ದರೂ "ಟಿಕೆಟ್‌ರಹಿತ ಪ್ರಯಾಣಿಕರು" ಎಂಬ ಹಣೆಪಟ್ಟಿ ನೀಡಿದಾಗ, ಅವರು ಸಂಕಟವನ್ನು ಅನುಭವಿಸುವಂತಾಯಿತು. ಈ ವಿಷಯವನ್ನು ಗ್ರಾಹಕರ ನ್ಯಾಯಾಲಯಕ್ಕೆ ಕೊಂಡೊಯ್ದು, SWR ಮತ್ತು IRCTC ಅಧಿಕಾರಿಗಳ ಮುಖ್ಯ ಬುಕಿಂಗ್ ಅಧಿಕಾರಿ ವಿರುದ್ಧ ಪ್ರಕರಣ ದಾಖಲಾಯಿತು. ವೈಟ್‌ಫೀಲ್ಡ್‌ನಲ್ಲಿರುವ ಈ ವೃದ್ದ ದಂಪತಿಗಳ ಪುತ್ರ, ಅಲೋಕ್ ಕುಮಾರ್ ಕಳೆದ ವರ್ಷ ಮಾರ್ಚ್‌ನಲ್ಲಿ ಪ್ರಯಾಣಕ್ಕಾಗಿ 77 ಮತ್ತು 71 ವರ್ಷ ವಯಸ್ಸಿನ ತಮ್ಮ ಪೋಷಕರಿಗೆ ಐಆರ್‌ಸಿಟಿಸಿ ಪೋರ್ಟಲ್ ಬಳಸಿ ದೃಢೀಕೃತ ಟಿಕೆಟ್‌ಗಳನ್ನು ಬುಕ್ ಮಾಡಿದ್ದರು ಮತ್ತು ಅದಕ್ಕಾಗಿ 6,995 ರೂ. ಪಾವತಿಸಿದ್ದರು.

ಆದರೂ, ಟಿಕೆಟ್ ಪರೀಕ್ಷಕರು  PNR ಸಂಖ್ಯೆಯನ್ನು ಪರಿಶೀಲಿಸಿದ ನಂತರ ಮತ್ತು ದೃಢಪಡಿಸಿದ ಟಿಕೆಟ್‌ಗಳ ಸ್ಥಿತಿಯು "ರೂಮ್ ಇಲ್ಲ" ಎಂದು ತೋರಿಸಿದೆ ಎಂದು ಹೇಳಿಕೊಂಡ ನಂತರ ಇದು ದಂಪತಿಗಳಿಗೆ ಆಘಾತಕಾರಿಯಾಗಿದೆ. ದಂಪತಿಗಳು ತಮ್ಮ ದೃಢೀಕೃತ ಟಿಕೆಟ್‌ಗಳನ್ನು ಟಿಕೆಟ್ ಪರೀಕ್ಷಕರಿಗೆ ತೋರಿಸಿದಾಗ, ಅವರು ಅದನ್ನು ನಂಬಲು ನಿರಾಕರಿಸಿ ಮತ್ತು ಬದಲಿಗೆ ಅವರನ್ನು "ಟಿಕೆಟ್ ಇಲ್ಲದ ಪ್ರಯಾಣಿಕರು" ಎಂದು 22,300 ರೂಪಾಯಿಗಳನ್ನು ದಂಡವಾಗಿ ವಿಧಿಸಿದರು. 

ಇದನ್ನೂ ಓದಿ: Terror Attack: ಸೇನಾ ವಾಹನದ ಮೇಲೆ ಉಗ್ರರ ದಾಳಿ, ಐವರು ಯೋಧರು ಹುತಾತ್ಮ

ಅಲೋಕ್ ಕುಮಾರ್ ತನ್ನ ಪೋಷಕರ ನೋವಿನ ಅನುಭವವನ್ನು ಕೇಳಿದ ತಕ್ಷಣವೇ IRCTC ಸಹಾಯವಾಣಿಗೆ ಇಮೇಲ್ ಮೂಲಕ ದೂರು ನೀಡಿದರೂ ಯಾವುದೇ ಪ್ರತಿಕ್ರಿಯೆ ಬರಲಿಲ್ಲ. IRCTC ಅಥವಾ ಬೆಂಗಳೂರಿನ SWR ನ ಅಧಿಕಾರಿಗಳಿಂದ ಯಾವುದೇ ಪ್ರತಿಕ್ರಿಯೆಗಳನ್ನು ಪಡೆಯದ ಕಾರಣ, ಆತ ಏಪ್ರಿಲ್ 2022 ರಲ್ಲಿ ಶಾಂತಿನಗರದಲ್ಲಿರುವ ಬೆಂಗಳೂರು ನಗರ ಮೂರನೇ ಹೆಚ್ಚುವರಿ ಜಿಲ್ಲಾ ಗ್ರಾಹಕರ ವ್ಯಾಜ್ಯಗಳ ಪರಿಹಾರ ಆಯೋಗವನ್ನು ತಲುಪಿ, ಅಲ್ಲಿ ನೈಋತ್ಯ ರೈಲ್ವೆ ವಲಯ ಮತ್ತು IRCTC ಮುಖ್ಯ ಬುಕಿಂಗ್ ಅಧಿಕಾರಿ ವಿರುದ್ಧ ದೂರು ದಾಖಲಿಸಿದರು.

SWR ಅಧಿಕಾರಿಗಳು ನ್ಯಾಯಾಲಯಕ್ಕೆ ಹಾಜರಾಗಲು ವಿಫಲವಾದ ನಂತರ, ಇದು ಕೇವಲ ಪ್ರಯಾಣಿಕರಿಗೆ ಆನ್‌ಲೈನ್ ಟಿಕೆಟಿಂಗ್ ಪ್ಲಾಟ್‌ಫಾರ್ಮ್ ಆಗಿದೆ ಮತ್ತು ದಂಡವನ್ನು ತೆಗೆದುಕೊಳ್ಳುವಲ್ಲಿ ಭಾಗಿಯಾಗಿಲ್ಲವೆಂದು IRCTC ವಕೀಲರು ಪ್ರಕರಣವನ್ನು ವಜಾಗೊಳಿಸಿದರು. ಆದರೆ, ಇತ್ತೀಚಿಗೆ ಬಂದ ತೀರ್ಪಿನಲ್ಲಿ, ಗ್ರಾಹಕ ನ್ಯಾಯಾಲಯವು ಅಲೋಕಲ್‌ ಕುಮಾರ್ ಪೋಷಕರಿಗೆ 30,000 ರೂ.ಗಳನ್ನು ಪರಿಹಾರವಾಗಿ  ನೀಡಿ ಮತ್ತು ಈತನಿಗೆ ವ್ಯಾಜ್ಯ ವೆಚ್ಚಕ್ಕಾಗಿ ಮತ್ತೊಂದು 10,000 ರೂ. ಪರಿಹಾರವಾಗಿ ನೀಡಿದೆ. ಇದು ಇತ್ತೀಚೆಗೆ ಮುಂಚೂಣಿಗೆ ಬಂದ ಏಕೈಕ ರೈಲ್ವೆ ಘಟನೆಯಾಗದೆ, ಇದಕ್ಕೂ ಮೊದಲು, ಎಸಿ ಪ್ರಥಮ ದರ್ಜೆ ಕಂಪಾರ್ಟ್‌ಮೆಂಟ್‌ನಲ್ಲಿ ಅನೇಕ ಟಿಕೆಟ್‌ಗಳಿಲ್ಲದ ಪ್ರಯಾಣಿಕರು ತುಂಬಿರುವುದನ್ನು ತೋರಿಸುವ ವೀಡಿಯೊ ವೈರಲ್ ಆಗಿತ್ತು.