"ನಾನು ನಂದೀನಿ, ಬೆಂಗಳೂರಿಗೆ ಬಂದೀನಿ" ಎಂಬ ಈ ಹಾಡು ಇತ್ತೀಚಿನ ದಿನಗಳಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಈ ಹಾಡಿನಿಂದ ಕಂಟೆಂಟ್‌ ಕ್ರೀಯೇಟರ್‌ ವಿಕ್ಕಿ ಸಿಕ್ಕಾಪಟ್ಟೆ ಪ್ರಶಂಸೆಗೆ ಒಳಗಾಗಿದ್ದಾರೆ. ಸದ್ಯ ವಿಕ್ಕಿಪೀಡಿಯಾದ ವಿಕ್ಕಿ ಹಾಗೂ ಅಮಿತ್, ಕರುನಾಡ ಚಕ್ರವರ್ತಿ ಶಿವರಾಜ್‌ಕುಮಾರ್‌ ಜೊತೆ ಹೊಸ ವಿಡಿಯೋ ಬಿಡುಗಡೆ ಮಾಡಿದ್ದಾರೆ. ಏನು ಈ ವಿಡಿಯೋ? ಅದರಲ್ಲಿ ಏನಿದೆ? ಈ ಸುದ್ದಿ ಓದಿ...
ಇತ್ತೀಚೆಗೆ 'ನಾನು ನಂದೀನಿ ಬೆಂಗಳೂರಿಗೆ ಬಂದೀನಿ' ಹಾಡಿನಿಂದ ಕಂಟೆಂಟ್‌ ಕ್ರಿಯೆಟರ್‌ ವಿಕ್ಕಿಪೀಡಿಯಾದ ವಿಕಾಸ್ ಸಿಕ್ಕಾಪಟ್ಟೆ ಸೆನ್ಸೇಷನ್‌ ಕ್ರೀಯೆಟ್‌ ಮಾಡಿದರು. ಈ ಹಾಡಿಗೆ ಡಿಫರೆಂಟ್‌ ಡಿಫರೆಂಟ್‌ ರೀತಿ ರೀಲ್ಸ್‌ ಸಹ ಮಾಡಿ ಸಖತ್ ವೈರಲ್ ಆಗಿದೆ. ವಿಕಾಸ್ ಆಂಡ್‌ ಟೀಮ್‌ ಬಗ್ಗೆ ಭಾರಿ ಮೆಚ್ಚುಗೆ ವ್ಯಕ್ತವಾಗಿದೆ. ಈ ಟೀಮ್‌ ನಾನಾ ರೀತಿಯ ವಿಡಿಯೋ ಕ್ರೀಯೆಟ್‌ ಮಾಡುವುದರಲ್ಲಿ ತಮ್ಮ ಪ್ರತಿಭೆ ತೋರಿಸುತ್ತಿದ್ದಾರೆ ಹಾಗೂ ಸೋಷಿಯಲ್‌ ಮಿಡಿಯಾ ಬಳಕೆದಾರರಿಂದ ಪ್ರಶಂಸೆ ಪಡೆಯುತ್ತಿದ್ದಾರೆ.
ಸದ್ಯ ವಿಕಾಸ್ ಆಂಡ್‌ ಟೀಂ ಜೊತೆ ಶಿವಣ್ಣ ಅವರು ವಿಡಿಯೋ ಮಾಡಿದ್ದಾರೆ. ಈ ಹಿಂದೆ ಶಿವರಾಜ್‌ಕುಮಾರ್‌ ಅಭಿನಯದ ಘೋಸ್ಟ್ ಚಿತ್ರತಂಡ 'ಬಿಗ್‌ ಡ್ಯಾಡಿ' ಝಲಕ್‌ ರಿಲೀಸ್‌ ಮಾಡಿದ್ದರು. ಅದರಲ್ಲಿ ಸೆಂಚುರಿಸ್ಟಾರ್‌ ಪಾನಿಪೂರಿಯಲ್ಲಿ ಆಲ್ಕೋಹಾಲ್‌ ಉಪಯೋಗಿಸಿ ತಿನ್ನುತ್ತಿದ್ದರು. ಈ ಝಲಕನ್ನು ಪ್ರೇರಣೆಯಾಗಿ ಇಟ್ಟುಕೊಂಡು ವಿಕ್ಕಿಪೀಡಿಯಾ ತಂಡ ರೀಲ್ಸ್‌ ಮಾಡಿದ್ದರು. ಆ ವಿಡಿಯೋದಲ್ಲಿ ವಿಕಾಸ್ ಹಾಗೂ ಅಮಿತ್ ಪಾನಿ ಪೂರಿ ತಿನ್ನಲು ಹೋಗಿದ್ದರು. ಆಗ ಪಾನಿಪೂರಿ ಮಾರುವವನು ಪೂರಿಯಲ್ಲಿ ಪಾನಿಯ ಬದಲು ವಿಸ್ಕಿ ಹಾಕಿಕೊಟ್ಟಿರುತ್ತಾನೆ. ಆಗ ವಿಕಾಸ್ ಹಾಗೂ ಅಮಿತ್ ತಿಳಿಯದೆ ಗಾಡಿಯಲ್ಲಿ ಹೋಗುತ್ತಿರುವ ಪೋಲೀಸರ ಕೈಯಲ್ಲಿ ಸಿಕ್ಕಿಕೊಳ್ಳುತ್ತಾರೆ.
ಇದನ್ನೂ ಓದಿ- ರೀಲ್ ಅಲ್ಲ… ರಿಯಲ್! ನಿಂತಿದ್ದ ಟ್ರಕ್’ಗೆ ಕಾರು ಡಿಕ್ಕಿ..! ಇಲ್ಲಿದೆ ರೋಮಾಂಚನಕಾರಿ ಆಕ್ಷನ್ ವಿಡಿಯೋ
ಇದರ ಮುಂದುವರೆದ ಭಾಗವಾಗಿ ವಿಕಾಸ್ ಆಂಡ್‌ ಟೀಂ ಜೊತೆ ಶಿವಣ್ಣ ಅವರು ವಿಡಿಯೋ ಮಾಡಿದ್ದಾರೆ. ಇದರಲ್ಲಿ ಶಿವಣ್ಣ ಟೀ ಕಪ್ ಹಿಡಿದು ಕುಳಿತಿರುತ್ತಾರೆ. ಅವರ ಎದುರು ವಿಕ್ಕಿ ಹಾಗೂ ಅಮಿತ್ ನಿಂತಿರುತ್ತಾರೆ. ಈ ವೇಳೆ ಶ್ರೀನಿ ಬಂದು ‘ಬೆಳಗ್ಗೆ ನನಗೆ ಆವಾಜ್ ಹಾಕಿದ್ದು ಇವರೇ’ ಎಂದು ಕಂಪ್ಲೇಂಟ್ ಮಾಡುತ್ತಾರೆ. ಮುಂಜಾನೆ ಯಾವ ಯಾವ ರೀತಿಯಲ್ಲಿ ಅವರು ಬೆದರಿಕೆ ಹಾಕಿದ್ದರು ಎಂಬುದನ್ನು ಶಿವಣ್ಣನಿಗೆ ಶ್ರೀನಿ ವಿವರಿಸುತ್ತಾರೆ. ಶಿವಣ್ಣನ ನೋಡಿದ್ದೇ ವಿಕ್ಕಿ ಹಾಗೂ ಅಮಿತ್ ಅವರ ಮೀಟರ್ ಆಫ್ ಆಗಿ ಬಿಡುತ್ತದೆ ಮತ್ತು ಸಖತ್ ಭಯ ಬೀಳುತ್ತಾರೆ. ಅವರು ಈ ರೀತಿ ಮಾಡಿಲ್ಲ ಎಂದು ಅದಕ್ಕೆ ವಿವರಣೆ ನೀಡುತ್ತಾರೆ. ಶಿವಣ್ಣ ಇಬ್ಬರಿಗೂ ಎಚ್ಚರಿಕೆ ನೀಡಿ ಕಳುಹಿಸುತ್ತಾರೆ.
ಈ ವಿಡಿಯೋವನ್ನು ವಿಕ್ಕಿಪೀಡಿಯಾ ಹಾಗೂ ಶಿವರಾಜ್‌ಕುಮಾರ್‌ ಅವರ ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್‌ ಮಾಡಿದ್ದಾರೆ. ವಿಕಾಸ್ ಜೊತೆ 'ಘೋಸ್ಟ್' ಟೀಂ ಸಣ್ಣ ಕಾಮಿಡಿ ಸ್ಕಿಟ್ ಮಾಡಿದ್ದರು. ಇದು ಸಹ ಸೆನ್ಸೇಷನ್‌ ಕ್ರಿಯೇಟ್‌ ಮಾಡುತ್ತಿದೆ. ಸದ್ಯ ಈ ವಿಡಿಯೋ ಸಖತ್ ವೈರಲ್ ಆಗಿದ್ದು, ಈ ವಿಡಿಯೋಗೆ ಮೆಚ್ಚುಗೆ ಜೊತೆ ಕೆಲವೇ ಗಂಟೆಗಳಲ್ಲಿ ಲಕ್ಷಾಂತರ ಲೈಕ್ಸ್ ಪಡೆದಿದೆ. ನಟ ಶಿವರಾಜ್‌ಕುಮಾರ್‌ ಅವರು ಈ ವಿಡಿಯೋವನ್ನು ತಮ್ಮ ಫೋಸ್ಟ್‌ ಸಿನಿಮಾದ ಪ್ರಚಾರಕ್ಕಾಗಿ ವಿಕ್ಕಿಪೀಡಿಯಾ ಟೀಂ ಜೊತೆ ಕೈ ಜೋಡಿಸಿದ್ದಾರೆ.
ಇದನ್ನೂ ಓದಿ- ಮುಟ್ಟಿದೊಡನೆ ಬಿದ್ದು ಬಿದ್ದು ನಗುವ ಹಾವು ನೋಡಿದ್ದಿರಾ ? ಇಲ್ಲಿದೆ ನೋಡಿ ವಿಡಿಯೋ
ಇನ್ನೇನು ಶಿವಣ್ಣ ಅವರ ಘೋಸ್ಟ್ ಕೌಂಟ್‌ಡೌನ್‌ ಶುರುವಾಗಿದೆ. ಈ ಚಿತ್ರ ವಿಶ್ವಾದ್ಯಂತ ಪ್ಯಾನ್ ಇಂಡಿಯಾ ಮಟ್ಟದಲ್ಲಿಇದೇ ಅಕ್ಟೋಬರ್‌ 19ರಂದು ತೆರೆಕಾಣಲಿದೆ. ಈ ಸಿನಿಮಾದಲ್ಲಿ ಅನುಪಮ್ ಕೇರ್, ಜಯರಾಂ ಸೇರಿದಂತೆ ದೊಡ್ಡ ತಾರಾಗಣ ತೆರೆಹಂಚಿಕೊಳ್ಳಿದ್ದಾರೆ. ಇನ್ನು ಚಿತ್ರದಲ್ಲಿ ನಾಯಕಿ ಇಲ್ಲ. ವಿಶೇಷವೆನೆಂದರೆ ನಿರ್ದೇಶಕ ಶ್ರೀನಿ ಕೂಡ ಚಿತ್ರದಲ್ಲಿ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://tinyurl.com/7jmvv2nz
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್.
