Palakkad Byelection 2024 LIVE Updates: പാലക്കാട് ഉപതിരഞ്ഞെടുപ്പ് 2024: പാലക്കാട് ആര് വാഴും, ആര് വീഴും, ആദ്യ മണിക്കൂറുകളിൽ മികച്ച പോളിംഗ്; പലയിടത്തും നീണ്ട ക്യൂ
Palakkad Byelection 2024 Latest Updates: പാലക്കാട് ലോക്സഭ മണ്ഡലം ഇന്ന് വിധിയെഴുതും. മോക് പോളിങ് ആരംഭിച്ചു. രാവിലെ ഏഴു മുതൽ വൈകിട്ട് ആറുവരെയാണ് വോട്ടെടുപ്പ്.
Palakkad Byelection 2024 LIVE Updates: പാലക്കാട് നിയമസഭാ ഉപതിരഞ്ഞെടുപ്പ് ഇന്ന് നടക്കും. രാവിലെ ഏഴു മുതല്‍ വൈകീട്ട് ആറു മണി വരെയാണ് വോട്ടെടുപ്പ് നടക്കുക. പുലര്‍ച്ചെ 5:30 ന് മോക്ക് പോള്‍ ആരംഭിച്ചു. വോട്ടിങ് യന്ത്രങ്ങള്‍ ഉള്‍പ്പെടെ പോളിങ് സാമഗ്രികളുടെ വിതരണം ഇന്നലെ പൂര്‍ത്തിയാക്കിയിരുന്നു. ഗവ. വിക്ടോറിയ കോളേജാണ് പോളിങ് സാമഗ്രികളുടെ വിതരണ കേന്ദ്രമായി പ്രവര്‍ത്തിച്ചത്. വോട്ടെടുപ്പിനു ശേഷം ഇതേ കേന്ദ്രത്തിലേക്ക് വോട്ടിങ് യന്ത്രങ്ങള്‍ തിരികെയെത്തിക്കും. 10 സ്ഥാനാര്‍ത്ഥികളാണ് ഇന്ന് ജനവിധി തേടുന്നത്
പാലക്കാട് ആകെ 1,94,706 വോട്ടര്‍മാരാണ് ഉള്ളത്. ഇതില്‍ 1,00,290 പേര്‍ സ്ത്രീ വോട്ടർമാരാണ്. 2306 പേര്‍ 85 വയസ്സിനു മുകളില്‍ പ്രായമുള്ളവരും. 780 ഭിന്നശേഷിക്കാരും നാലു പേര്‍ ട്രാന്‍സ്‌ജെന്‍ഡേഴ്‌സും ഇത്തവണത്തെ വോട്ടർപ്പട്ടികയിലുണ്ട്. 2445 കന്നിവോട്ടര്‍മാരും 229 പേര്‍ പ്രവാസി വോട്ടര്‍മാരുമുണ്ട്.
Latest Updates
Palakkad Byelection 2024 Latest Updates: പാലക്കാടിനെ വഞ്ചിച്ച് പോയ ഷാഫിക്കെതിരായ വിധിയായിരിക്കും ഇന്ന് നടക്കുക
പാലക്കാടിനെ വഞ്ചിച്ചുപോയ ഷാഫി പറമ്പിലിനെതിരായ ജനവിധി കൂടിയാകും ഇന്നത്തേതെന്ന് എൻഡിഎ സ്ഥാനാർത്ഥി കൃഷ്ണകുമാർ
Palakkad Byelection 2024 Latest Updates: യുഡിഎഫിന് ശുഭപ്രതീക്ഷ: കെ മുരളീധരൻ
തിരഞ്ഞെടുപ്പിൽ യുഡിഎഫിന് ശുഭപ്രതീക്ഷയാണുള്ളതെന്ന് മുതിർന്ന കോൺഗ്രസ് നേതാവ് കെ മുരളീധരൻ. യുഡിഎഫിന് കിട്ടേണ്ട ഒരു വോട്ട് പോലും ഇല്ലാതാക്കാൻ എൽഡിഎഫിന്റെ പരസ്യങ്ങൾക്ക് കഴിയില്ലെന്നും ഇലക്ഷൻ കഴിഞ്ഞാലും കേരളത്തിൽ മതസൗഹാർദം വേണം. അതിന്റെ കടക്കൽ കത്തിവെക്കുന്ന പ്രസ്താവനയാണ് എൽഡിഎഫ് രണ്ട് പ്രമുഖ പത്രങ്ങളിലും നൽകിയ വാർത്തയെന്നും. പത്രങ്ങളിൽ പരസ്യം കൊടുക്കുന്നത് കൊണ്ട് മാത്രം ഇവിടെ ആരും ജയിക്കാൻ പോകുന്നില്ലെന്നും കെ മുരളീധരൻ.
Jharkhand Election 2024: 9 മണി വരെ 12.71% പോളിംഗ് രേഖപ്പെടുത്തി
ജാര്‍ഖണ്ഡിലെ രണ്ടാമത്തെയും അവസാനത്തെയും ഘട്ടത്തിൽ രാവിലെ 9 മണി വരെ 12.71% പോളിംഗ് രേഖപ്പെടുത്തിയിട്ടുണ്ട്
Palakkad Byelection 2024 Latest Updates: പോളിംഗിന് വേഗത കുറവെന്ന് എൻഡിഎ സ്ഥാനാർത്ഥി സി കൃഷ്ണകുമാര്‍
പോളിംഗിന് വേഗത കുറവെന്ന് എന്‍ഡിഎ സ്ഥാനാര്‍ത്ഥി സി കൃഷ്ണകുമാര്‍. കാത്തുനില്‍പ്പ് സമയം കൂടുന്നത് വോട്ടര്‍മാരില്‍ മടുപ്പ് ഉണ്ടാക്കുമെന്നും അദ്ദേഹം പറഞ്ഞു
Palakkad Byelection 2024 Latest Updates: പോളിംഗ് ശതമാനം 8.45
പാലക്കാട് മണ്ഡലത്തില്‍ വോട്ടെടുപ്പ് ആരംഭിച്ച് മണിക്കൂറുകള്‍ പിന്നിടുമ്പോള്‍ 8.45% പോളിംഗ് രേഖപ്പെടുത്തി.
Palakkad Byelection 2024 Latest Updates: ഉപതിരഞ്ഞെടുപ്പിൽ ഉറച്ച വിജയപ്രതീക്ഷയെന്ന് യുഡിഎഫ് സ്ഥാനാർത്ഥി
പാലക്കാട് ഉപതിരഞ്ഞെടുപ്പിൽ തനിക്ക് ഉറച്ച വിജയപ്രതീക്ഷയുണ്ടെന്ന് യുഡിഎഫ് സ്ഥാനാർത്ഥി രാഹുൽ മാങ്കൂട്ടത്തിൽ. പാലക്കാട് മതേതരത്വം കാത്തുപിടിക്കുമെന്നും ജനങ്ങൾ നേരത്തെ തീരുമാനമെടുത്തിട്ടുള്ളതാണെന്നും രാഹുൽ കൂട്ടിച്ചേർത്തു.
Palakkad Byelection 2024 LIVE Updates: കേരളം ആഗ്രഹിക്കുന്ന വിധിയെഴുത്ത് പാലക്കാട് ഉണ്ടാകും
കേരളം ആഗ്രഹിക്കുന്ന വിധിയെഴുത്ത് പാലക്കാട് ഉണ്ടാകുമെന്ന് ഷാഫി പറമ്പിൽ. മികച്ച ഭൂരിപക്ഷത്തില്‍ രാഹുല്‍ മാങ്കൂട്ടത്തില്‍ വിജയിക്കുമെന്നും നിയമസഭയ്ക്ക് അകത്തും പുറത്തും ജനങ്ങള്‍ക്ക് വേണ്ടി രാഹുല്‍ ശബ്ദമുയര്‍ത്തുമെന്നും. എല്‍ഡിഎഫിന്റെ പരസ്യം അവരെ തന്നെ തിരിച്ചടിച്ചിട്ടുണ്ടെന്നും അദ്ദേഹം പറഞ്ഞു. ബിജെപിയെ സഹായിക്കാനായി ചെയ്തതാണ് ഇതെല്ലാമെന്നും സിപിഐഎം പ്രചാരണം പോലും സംഘ പരിവാര്‍ ലൈനിലാകുന്നുവെന്നുംഅദ്ദേഹം കൂട്ടിച്ചേർത്തു
Palakkad By Election 2024 Live Updates: പാലക്കാട്ട് ആദ്യ മണിക്കൂറിൽ 3.4 ശതമാനം പോളിംഗ്
ഒരു മണിക്കൂർ പിന്നിട്ടപ്പോൾ പാലക്കാട് 3.4 ശതമാനം പോളിംഗ് രേഖപ്പെടുത്തിയിരിക്കുകയാണ്. പാലക്കാട് നഗരസഭയിൽ 3.67 ശതമാനം പോളിംഗും, മാത്തൂർ പഞ്ചായത്തിൽ 3.01 ശതമാനവും, കണ്ണാടി പഞ്ചായത്തിൽ 3.30 ശതമാനവും, പിരിയാരി പഞ്ചായത്തിൽ 3.8 ശതമാനം പോളിംഗുമാണ് ആദ്യ മണിക്കൂറിൽ രേഖപ്പെടുത്തിയിരിക്കുന്നത്
Assembly Elections 2024 Updates: മഹാരാഷ്ട്രയും ജാര്‍ഖണ്ഡും ഇന്ന് ജനവിധി തേടുകയാണ്
പാലക്കാടിനൊപ്പം മഹാരാഷ്ട്രയും ജാര്‍ഖണ്ഡും ഇന്ന് ജനവിധി തേടുകയാണ്. മഹാരാഷ്ട്രയിലെ 288 സീറ്റുകളിലേക്ക് 4,136 പേരാണ് ഇന്ന് ജനവിധി തേടുന്നത്
Palakkad Byelection 2024 LIVE Updates: സാങ്കേതിക തകരാര്‍ പരിഹരിച്ച് വോട്ടിംഗ് പുനരാരംഭിച്ചു
പാലക്കാട് എൽഡിഎഫ് സ്ഥാനാർത്ഥി പി സരിനും ഭാര്യ സൗമ്യ സരിനും ഉള്‍പ്പെടെ വോട്ട് ചെയ്യാനെത്തിയ 88 ആം ബൂത്തിൽ സാങ്കേതിക പ്രശ്നം പരിഹരിച്ചു. വോട്ടിംഗ് ആരംഭിച്ചു
Palakkad Byelection 2024 LIVE Updates: ബൂത്തിൽ സാങ്കേതിക പ്രശ്നം
പാലക്കാട് എൽഡിഎഫ് സ്ഥാനാർത്ഥി പി സരിനും ഭാര്യ സൗമ്യ സരിനും ഉള്‍പ്പെടെ വോട്ട് ചെയ്യാനെത്തിയ 88 ആം ബൂത്തിൽ സാങ്കേതിക പ്രശ്നം. വോട്ടെടുപ്പ് തുടങ്ങിയിട്ടില്ല.
Palakkad By Election 2024 Live Updates: എന്‍ഡിഎ സ്ഥാനാർത്ഥി വോട്ട് രേഖപ്പെടുത്തി
എന്‍ഡിഎ സ്ഥാനാർത്ഥി സി കൃഷ്ണകുമാർ കൽപ്പാത്തി എൽപി സ്കൂളിൽ വോട്ട് രേഖപ്പെടുത്തി
Palakkad Byelection 2024 LIVE Updates: വിജയപ്രതീക്ഷയിൽ സ്ഥാനാർത്ഥികൾ
മികച്ച ഭൂരിപക്ഷം ഉണ്ടാകുമെന്ന് യുഡിഎഫ് സ്ഥാനാർത്ഥി രാഹുൽമാങ്കൂട്ടത്തിൽ
പാലക്കാട്ടെ ജനം തനിക്കൊപ്പമെന്ന് എൽഡിഎഫ് സ്ഥാനാർത്ഥി ഡോ. പി സരിൻ
വികസനത്തിനായി ജനങ്ങൾ വോട്ട് ചെയ്യുമെന്ന് എൻഡിഎ സ്ഥാനാർത്ഥി സി കൃഷ്ണകുമാർ
Palakkad By Election 2024 Live Updates: വോട്ടെടുപ്പ് ആരംഭിച്ചു
പാലക്കാട് വോട്ടെടുപ്പ് ആരംഭിച്ചു. ബൂത്തുകളിൽ നീണ്ട നിരതന്നെയുണ്ട്
Palakkad Byelection 2024 LIVE Updates: വോട്ടര്‍മാര്‍ എത്തിതുടങ്ങി
മണ്ഡലത്തിലെ ബൂത്തുകളിലേക്ക് വോട്ടര്‍മാര്‍ എത്തിതുടങ്ങി. പിരായിരി ഗവ. എല്‍പി സ്‌കൂളില്‍ മോക് പോളിങ് പൂര്‍ത്തിയായി.
Palakkad Byelection 2024 Updates: പത്തു സ്ഥാനാര്‍ത്ഥികളാണ് ഇന്ന് ജനവിധി തേടുന്നത്
മൊത്തം പത്തു സ്ഥാനാര്‍ത്ഥികളാണ് ഇന്ന് ജനവിധി തേടുന്നത്. എൻഡിഎ സ്ഥാനാർഥി സി കൃഷ്ണകുമാർ, യുഡിഎഫ് സ്ഥാനാർഥി രാഹുല്‍ മാങ്കൂട്ടത്തില്‍, ഇടത് സ്വതന്ത്രനായി ഡോ. പി സരിന്‍ എന്നിവർ തമ്മിലാണ് പ്രധാന മത്സരം.
Palakkad Byelection 2024 Updates: എൻഡിഎ സ്ഥാനാർത്ഥി സി കൃഷ്ണകുമാർ ക്ഷേത്രദർശനം നടത്തി
വോട്ടെടുപ്പിന് മുൻപ് എൻഡിഎ സ്ഥാനാർത്ഥി സി.കൃഷ്ണകുമാർ ക്ഷേത്ര ദർശനം നടത്തി. ചിന്മയ ഗുരുവായൂരപ്പൻ ക്ഷേത്രത്തിലും കല്‍പ്പാത്തി ക്ഷേത്രത്തിലുമാണ് ദർശനത്തിനെത്തിയത്.
Palakkad Byelection 2024 Latest Updates: മോക് പോളിംഗ് ആരംഭിച്ചു
പാലക്കാട് ഉപതിരഞ്ഞെടുപ്പിന്‍റെ മോക് പോളിംഗ് ആരംഭിച്ചു. 184 ബൂത്തുകളിലും മോക് പോളിംഗ് ആരംഭിച്ചിട്ടുണ്ട്. ശേഷം രാവിലെ ഏഴു മുതൽ വോട്ടെടുപ്പ് ആരംഭിക്കും.
Palakkad Byelection 2024 LIVE Updates: പാലക്കാട് ഇന്ന് വിധിയെഴുതും
കേരള രാഷ്ട്രീയത്തിലെ ഏറ്റവും സംഭവബഹുലമായ പ്രചാരണ കാലയളവിന് ശേഷമുള്ള വിധിയെഴുത്തിൽ മൂന്ന് മുന്നണികൾക്കും നിര്‍ണായകമാണ്. ഷാഫി പറമ്പിൽ വെന്നിക്കൊടി പാറിച്ച പാലക്കാട് നിലനിര്‍ത്താനുള്ള പോരാട്ടത്തിലാണ് യുഡിഎഫ് സ്ഥാനാര്‍ത്ഥി രാഹുൽ മാങ്കൂട്ടത്തിൽ.