Adani Group: આખરે અદાણીએ Adani Enterprisesનો FPO કેમ પાછો ખેંચ્યો? આ છે અંદરની વાત

Adani Share Price: ગૌતમ અદાણી આ દિવસોમાં મુસીબતોથી ઘેરાયેલા છે. હિંડનબર્ગ રિપોર્ટમાં ગૌતમ અદાણી પર અનેક આરોપો મુકવામાં આવ્યા છે. ત્યારપછી અદાણી ગ્રુપના શેરમાં ભારે ઘટાડો જોવા મળ્યો છે. ગૌતમ અદાણી વિશ્વના ટોચના 20 ધનિકોની યાદીમાંથી બહાર થઈ ગયા છે. દરમિયાન,ગૌતમ અદાણી દેશ અને દુનિયામાં ચર્ચામાં છે. 

અદાણી ગ્રૂપ તાજેતરમાં અદાણી એન્ટરપ્રાઇઝિસનો રૂ. 20,000 કરોડનો એફપીઓ લાવ્યો હતો. જોકે, આ FPO દરમિયાન જ હિંડનબર્ગનો રિપોર્ટ સામે આવ્યો હતો, જે બાદ અદાણી ગ્રુપની કંપની અદાણી એન્ટરપ્રાઈઝમાં પણ જોરદાર ઘટાડો જોવા મળ્યો છે. અદાણી એન્ટરપ્રાઇઝિસનો FPO સંપૂર્ણ રીતે સબસ્ક્રાઇબ કરવામાં આવ્યો હતો, પરંતુ તે પછી પણ અદાણી જૂથે અદાણી એન્ટરપ્રાઇઝિસનો એફપીઓ પાછો ખેંચી લીધો છે.

અદાણી
બુધવાર, ફેબ્રુઆરી 1 ના રોજ, અદાણી એન્ટરપ્રાઇઝ દ્વારા જાહેરાત કરવામાં આવી હતી કે તેમણે $2.5 બિલિયન ફોલો-ઓન પબ્લિક ઓફર (FPO) માટે સંપૂર્ણ રોકાણકાર સબસ્ક્રિપ્શન મેળવ્યું છે આમ છતાં તેઓ FPO રદ કરી રહ્યાં છે  અને રોકાણકારોના તમામ પૈસા પરત કરવામાં આવશે. જોકે, અદાણીએ તેનો એફપીઓ કેમ પાછો ખેંચ્યો? કેટલાક મીડિયા રિપોર્ટ્સ કહે છે કે 1 ફેબ્રુઆરીના રોજ અદાણી ગ્રૂપના શેરમાં ભારે ઘટાડો થયો હતો. પરિસ્થિતિથી વાકેફ એક વ્યક્તિએ જણાવ્યું કે તે દિવસે અદાણી ગ્રૂપની 80 અબજ ડોલરની માર્કેટ વેલ્યુ સાફ થઈ ગઈ હતી. આ જ સમયે, રોકાણકારો પણ ખૂબ જ મૂંઝવણમાં હતા અને ચિંતાતુર રોકાણકારોએ અદાણીની ફાઇનાન્સ ટીમને ફોન પર ફોન કરવાનું શરૂ કર્યું હતું.

અદાણી ગ્રુપ
અહેવાલો અનુસાર, આ રોકાણકારોમાંથી એક રોયલ ગ્રુપ હતું, જે અબુ ધાબીની ઇન્ટરનેશનલ હોલ્ડિંગ કંપનીની પેરેન્ટ કંપની છે. જેણે જૂથને અદાણી એન્ટરપ્રાઇઝ લિમિટેડના શેર વેચાણ પર પુનર્વિચાર કરવા જણાવ્યું હતું. બીજી તરફ, બુધવાર બપોર સુધી, FPOના એક એન્કર રોકાણકારે જણાવ્યું હતું કે તેઓ જૂથને વધુ સમર્થન આપશે નહીં. દિવસની શરૂઆતમાં, વિપક્ષી પક્ષોએ કેન્દ્રીય બજેટ ભાષણ દરમિયાન અદાણી પર આકરા પ્રહારો કર્યા હતા અને સંસદમાં નરેન્દ્ર મોદી સરકારની આકરી ટીકા કરી હતી.

અદાણી શેર્સ
બીજી તરફ, બુધવારે સાંજે લગભગ 5 વાગ્યે અદાણીએ 30 મિનિટમાં ઇમરજન્સી બોર્ડ મીટિંગ બોલાવવાનું કહ્યું હતું અને FPO રદ કરવાનું કહ્યું હતું. આ પછી રાત્રે લગભગ 10:21 વાગ્યે સ્થાનિક સ્ટોક એક્સચેન્જોને પણ તેની માહિતી આપવામાં આવી હતી. ભારતનું અત્યાર સુધીનું સૌથી મોટું ફોલો-ઓન શેર વેચાણ માંડ 19 કલાકમાં પૂર્ણ થયું હતું પરંતુ તે પછી પણ સોદો રદ કરવામાં આવ્યો હતો. Royal Group, IHC અને Adani Groupના પ્રતિનિધિઓએ તરત જ લેખિત ટિપ્પણીનો જવાબ આપ્યો ન હતો.

અદાણી FPO
મીડિયા અહેવાલો કહે છે કે અદાણીએ તેના રોકાણકારો સાથેના લાંબા ગાળાના સંબંધોને બચાવવા માટે ફોલો-ઓન ઓફર રદ કરી છે, અન્યથા તેને બજારમાં મોટું નુકસાન થયું હોત. ઉપરાંત, હિંડનબર્ગ રિપોર્ટની અદાણી જૂથ પર વધુ ખરાબ અસર થઈ શકે છે.

હિડનબર્ગ રિપોર્ટ
અહેવાલમાં, હિંડનબર્ગે અદાણી જૂથ પર છેતરપિંડી અને શેરબજારમાં ચાલાકી, મની લોન્ડરિંગ તેમજ અન્ય કથિત ગુનાઓનો આરોપ મૂક્યો હતો, જેમાં તેમણે "કોર્પોરેટ ઇતિહાસના સૌથી મોટા ચોર" ગણાવ્યા છે. આ સાથે જ અદાણી ગ્રુપે પણ આ રિપોર્ટ પર પ્રતિક્રિયા આપી હતી અને આ રિપોર્ટને નકલી અને દુર્ભાવનાપૂર્ણ ગણાવીને વળતો પ્રહાર કર્યો હતો અને કાનૂની કાર્યવાહી કરવાની પણ વાત કરી હતી. હિંડનબર્ગ રિપોર્ટના જવાબમાં અદાણી ગ્રુપે 413 પાનાનો જવાબ આપીને હિંડનબર્ગ રિપોર્ટને નકારી કાઢ્યો હતો.

એલ.આઈ.સી
તે જ સમયે, એલઆઈસીએ એફપીઓ રદ કરવાના સંદર્ભમાં સારો સંકેત માન્યો છે. લાઈફ ઈન્સ્યોરન્સ કોર્પોરેશન ઓફ ઈન્ડિયા લિમિટેડ અદાણી ગ્રુપની 5 કંપનીઓમાં શેરહોલ્ડર છે. એલઆઈસીએ એફપીઓ પાછી ખેંચવાના નિર્ણયને સારા કોર્પોરેટ ગવર્નન્સના સંકેત તરીકે ગણાવ્યો હતો. આ દરમિયાન ગૌતમ અદાણીએ એક વીડિયો દ્વારા સંબોધન કરતાં કહ્યું કે તેમના માટે તેમના રોકાણકારોનું હિત સર્વોપરી છે અને બાકીનું બધું ગૌણ છે. જો કે અદાણી ગ્રુપની કંપનીઓમાં હજુ પણ વેચાણ ચાલુ છે. હિન્ડેનબર્ગ રિપોર્ટ જાહેર થયા બાદ શુક્રવાર સુધી અદાણી ગ્રુપની માર્કેટ વેલ્યુમાં $110 બિલિયનથી વધુનો ઘટાડો થયો છે.