Business Idea: આજે અમે તમને એક શાનદાર બિઝનેસ આઈડિયા આપી રહ્યા છીએ. જે થોડા પૈસાથી શરૂ કરીને મોટી કમાણી કરાવી શકે છે. ખાણી-પીણી સાથે જોડાયેલી આ પ્રોડક્ટથી તમે ઓછા ખર્ચે લાખોની કમાણી કરી શકો છો. સારી વાત એ છે કે તમારો નફો દિવસે દિવસે વધતો જશે. આ ટોફુ એટલે કે સોયા પનીર પ્લાન્ટ સ્થાપવાનો વ્યવસાય છે. આ ટોફુ બિઝનેસમાં થોડી મહેનત અને સમજણથી તમે તમારી જાતને એક બ્રાન્ડ તરીકે સ્થાપિત કરી શકો છો. લગભગ 3 થી 4 લાખ રૂપિયાના રોકાણ સાથે, તમે થોડા મહિનામાં હજારો નહીં પરંતુ લાખો રૂપિયા કમાઈ શકો છો.


COMMERCIAL BREAK
SCROLL TO CONTINUE READING

કેટલો ખર્ચ થશે?
ટોફુનો બિઝનેસ શરૂ કરવા માટે તમને 3 થી 4 લાખ રૂપિયાનો ખર્ચ થશે. ટોફુ બનાવવા માટે 3 લાખ રૂપિયાનું પ્રારંભિક રોકાણ કરવું પડશે. બીજી તરફ પ્રારંભિક રોકાણમાં બોઈલર, જાર, સેપરેટર, નાના ફ્રીઝર વગેરે જેવી વસ્તુઓ રૂ. 2 લાખમાં આવશે. આ સાથે તમારે 1 લાખ રૂપિયાનું સોયાબીન ખરીદવું પડશે. ટોફુ બનાવવા માટે તમારે નિષ્ણાતની પણ જરૂર પડશે.


આ પણ વાંચો:


બિલ્ડરોને CM ઓફિસનો ધક્કો પડ્યો કે મળી સફળતા, જાણી લો ભૂપેન્દ્ર પટેલે શું આપ્યો જવાબ


ઇતિહાસમાં સૌથી વધુ ગ્રેમી એવોર્ડ વિજેતા સેલિબ્રિટી બની Beyonce, આ છે વિજેતાઓની યાદી


જાણો કેવી રીતે બનાવશો સોયા પનીર 
ટોફુ બનાવવાની પ્રક્રિયા ખૂબ જ સરળ છે. ટોફુ બનાવવાની પ્રક્રિયામાં, સૌપ્રથમ સોયાબીનને પીસીને પાણી સાથે 1:7ના પ્રમાણમાં ઉકાળવામાં આવે છે. બોઈલર અને ગ્રાઇન્ડરમાં 1 કલાકની પ્રક્રિયા પૂરી કર્યા પછી તમને 4-5 લિટર દૂધ મળે છે. આ પ્રક્રિયા પછી દૂધને સેપરેટરમાં નાખવામાં આવે છે જ્યાં દૂધ દહીં જેવું બની જાય છે. આ પછી તેમાંથી બાકીનું પાણી કાઢવામાં આવે છે. લગભગ 1 કલાક સુધી પ્રક્રિયા પૂર્ણ થયા પછી, તમને 2.5 થી 3 કિલો ટોફુ (સોયા પનીર) મળે છે. ધારો કે જો તમે દરરોજ 30-35 કિલો ટોફુ બનાવો તો તમને દર મહિને 1 લાખ રૂપિયાની કમાણી થવાની સંભાવના છે.


બજારમાં છે બમ્પર માંગ 
આજકાલ બજારમાં સોયા મિલ્ક અને સોયા પનીરની ઘણી માંગ છે. સોયા દૂધ અને પનીર સોયાબીનમાંથી તૈયાર કરવામાં આવે છે. સોયા દૂધનું સ્વાદ ગાય-ભેંસના દૂધ જેવું હોતું નથી. પરંતુ તે સ્વાસ્થ્ય માટે સારું માનવામાં આવે છે. તેને દર્દીઓ માટે ખૂબ જ ફાયદાકારક હોવાનું કહેવાય છે. સોયાબીનના પનીરને  ટોફુ કહેવામાં આવે છે.


આ પણ વાંચો:


વડોદરામાં ખદબદતો ભ્રષ્ટાચાર, નવા નક્કોર અટલ બ્રિજનો ડામર ઉખેડવા લાગ્યો


આ ફૂલની ખેતી કરી વર્ષે થશે અડધા કરોડથી વધુની કમાણી! જાણો આખી પ્રક્રિયા


દરેક પ્રોડક્ટ છે ખૂબ જ ઉપયોગી 
ટોફુ બનાવતી વખતે, તમારી પાસે આડપેદાશ તરીકે બાકી રહે છે તેમાંથી ઘણા વધુ ઉત્પાદનો તૈયાર કરવામાં આવે છે. જેનો ઉપયોગ બિસ્કીટ બનાવવામાં પણ થાય છે. આ પછી, જે ઉત્પાદન થાય છે તેનાથી બરી તૈયાર થાય છે. આ બરીનો ઉપયોગ ખોરાકમાં થાય છે. તેને પ્રોટીનનો સમૃદ્ધ સ્ત્રોત પણ માનવામાં આવે છે.


લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube