ICICI બેંક અને વીડિયોકોનના લોન ફ્રોડ કેસમાં ICICI બેંકના પૂર્વ સીઈઓ ચંદા કોચર અને તેમના પતિ દીપક કોચરને જામીન મળી ગયા છે. બોમ્બે હાઈકોર્ટે બંનેને જામીન આપતા કહ્યું કે તેમની ધરપકડ કાયદા મુજબ થઈ નથી. વાત જાણે એમ છે કે લોન ફ્રોડ મામલે ચંદા કોચર અને તેમા પતિ દીપક કોચરની ધરપકડ થઈ હતી. 


COMMERCIAL BREAK
SCROLL TO CONTINUE READING

બોમ્બે હાઈકોર્ટે સીબીઆઈને ચંદા કોચર અને તેમના પતિને સીબીઆઈ કસ્ટડીમાંથી મુક્ત કરવાનો આદેશ આપ્યો છે. કોર્ટે તેમને એક લાખના બોન્ડ પર જામીન આપ્યા છે. સીબીઆઈએ જો કે તેમને જામીન પર મુક્ત કરવાનો વિરોધ કર્યો છે. 


ડિસેમ્બર 2022માં થઈ હતી ધરપકડ
વીડિયોકોનના લોન કેસમાં સીબીઆઈએ ડિસેમ્બર 2022માં મોટી કાર્યવાહી કરતા ICICI બેંકના પૂર્વ MD અને CEO ચંદા કોચર અને તેમના પતિ દીપક કોચરની ધરપકડ કરી હતી. આરોપ છે કે જ્યારે ચંદા કોચર આઈસીઆઈસીઆઈ બેંકની કમાન સંભાળી રહ્યા હતા ત્યારે તેમણે વીડિયોકોન ગ્રુપને લોન આપી હતી. તેના બદલામાં ચંદાના પતિ દીપક કોચરની કંપની ન્યૂ રિન્યુએબલને વીડિયોકોનથી રોકાણ મળ્યું હતું. 


SBI ના કરોડો ગ્રાહકો સાવધાન!, SBI ONLINEનો પાસવર્ડ બનાવતી વખતે આ બાબતોનું રાખો ધ્યાન


બે વાર મોતને હાથતાળી આપી ચૂક્યા છે અદાણી, મુંબઈ આતંકી હુમલા સમયે તાજ હોટલમાં હતા


હોમ લોન માટે અરજી કરતાં પહેલાં કરો યોગ્ય તૈયારી , ક્યારેય બેન્ક નહીં કરી શકે કેન્સલ


શેર હોલ્ડરે કરી હતી ફરિયાદ
ICICI બેંક અને વીડિયોકોનના શેર હોલ્ડર અરવિંદ ગુપ્તાએ પ્રધાનમંત્રી, રિઝર્વ બેંક અને સેબીને એક પત્ર લખીને વીડિયોકોનના અધ્યક્ષ વેણુગોપાલ ધૂત અને ICICI ના સીઈઓ તથા એમડી ચંદા કોચરને એકબીજાને લાભ પહોંચાડવાનો આરોપ લગાવ્યો હતો. તેમાં દાવો છે કે ધૂતની કંપની વીડિયોકોનને આઈસીઆઈસીઆઈ બેંકથી 3250 કરોડ રૂપિયાની લોન આપવામાં આવી અને તેના બદલામાં ધૂતે ચંદા કોચરના પતિ દીપક કોચરની વૈકલ્પિક ઉર્જાની કંપની નૂપાવરમાં પોતાના પૈસા રોકાણ કર્યા. 


જુઓ લાઈવ ટીવી


Zee News App ડાઉનલોડ કરો, અમારી સાથે જોડાઓ : facebook | twitter | youtube