Rail Vikas Nigam share price today : શુક્રવારે શેરબજારના અસ્થિર વેપાર દરમિયાન, રેલ વિકાસ નિગમ લિમિટેડના શેરમાં પાંચ ટકાનો વધારો નોંધવામાં આવી રહ્યો હતો અને તે લગભગ ₹9 વધીને રૂ. 167.20 પર હતો. આશરે રૂ. 34830 કરોડના માર્કેટ કેપ સાથે રેલ વિકાસ નિગમ લિમિટેડના શેરનું 52 સપ્તાહનું ઊંચું સ્તર રૂ. 199 છે જ્યારે 52 સપ્તાહનું નીચું સ્તર રૂ. 56 છે. રેલ વિકાસ નિગમ લિમિટેડના શેરે છેલ્લા 6 મહિનામાં રૂ. 113ના સ્તરેથી રોકાણકારોને 40 ટકાનું બમ્પર વળતર આપ્યું છે, જ્યારે આ વર્ષના પ્રથમ 10 મહિનામાં તે લેવલથી 200 ટકાનું વળતર આપ્યું છે. 


COMMERCIAL BREAK
SCROLL TO CONTINUE READING

રેલ વિકાસ નિગમ લિમિટેડના શેરોએ 3 મે, 2019ના રોજ રૂ. 23ના નીચા સ્તરેથી 746 ટકાનું બમ્પર વળતર આપીને રોકાણકારોને સમૃદ્ધ બનાવ્યા છે. રેલ વિકાસ નિગમ લિમિટેડે શેરબજારને માહિતી આપી છે કે તેને સેન્ટ્રલ રેલવે તરફથી 311.17 કરોડ રૂપિયાનો ઓર્ડર મળ્યો છે. આ ઓર્ડરમાં ચાર ટનલનું નિર્માણ, અર્થવર્ક ફોરમેશન, બે પુલ અને 25 નાના પુલ સાથે એક મોટા પુલનું નિર્માણ, સ્ટોન બ્લાસ્ટની સપ્લાય, ટ્રેક લિંકિંગ, સાઇડ ડ્રેઇન રિટેનિંગ વોલ વગેરેનો સમાવેશ થાય છે.


રેલ વિકાસ નિગમ લિમિટેડે ઓર્ડર મળ્યા બાદ 18 મહિનામાં આ કામ પૂર્ણ કરવાનું રહેશે. અગાઉ, રેલ વિકાસ નિગમ લિમિટેડને પશ્ચિમ રેલવે તરફથી 419 કરોડ રૂપિયાનો બીજો ઓર્ડર મળ્યો હતો, આ ઓર્ડરમાં ઘણી બાંધકામ પ્રવૃત્તિઓનો સમાવેશ થાય છે.


આ પણ વાંચોઃ ટાટા ટેક્નોલોજીસના આઈપીઓએ ગ્રે માર્કેટમાં મચાવી ધૂમ, ઈન્વેસ્ટરોને થશે 70% નો ફાયદો!


રેલ વિકાસ નિગમ લિમિટેડ એ વર્ષ 2003માં ભારત સરકાર દ્વારા સ્થાપિત નવરત્ન કંપની છે. રેલ વિકાસ નિગમ લિમિટેડ ઘણા રેલ ઇન્ફ્રાસ્ટ્રક્ચર પ્રોજેક્ટ્સ બનાવે છે. RVNL કંપનીના શેરોએ છેલ્લા 5 વર્ષમાં વાર્ષિક 20 ટકાના દરે નફામાં વધારો દર્શાવ્યો છે. રેલ વિકાસ નિગમ લિમિટેડે પણ રોકાણકારોને 32 ટકાનું ઉત્તમ ડિવિડન્ડ આપ્યું છે.


છેલ્લા 1 વર્ષમાં રોકાણકારોને 320 ટકાનું મલ્ટિબેગર વળતર આપનાર રેલ વિકાસ નિગમ લિમિટેડના શેરોએ 3 વર્ષના સમયગાળામાં રોકાણકારોને 550 ટકાનું બમ્પર વળતર આપ્યું છે. જો તમે પણ શેરમાં રોકાણ કરીને કમાણી કરવા માંગો છો, તો તમે રેલ વિકાસ નિગમ લિમિટેડના શેર પર નજર રાખી શકો છો.


લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube