Coca-Colaની જાહેરાત, 9% આવકમાં ઘટાડા બાદ 2200 લોકોને બતાવશે બહારનો રસ્તો

નવી દિલ્હી: વિશ્વની જાણિતી સોફ્ટ ડ્રિંક કંપની કોકાકોલા (Coca-Cola) પોતાના 2200 કર્મચારીઓનો ક્રિસમસનો તહેવાર ફિક્કો કરવા જઇ રહી છે. કોવિડ 19ના કારણે આવકમાં ઘટાડાના લીધે કંપની આ નિર્ણય લીધો છે. યોજના હેઠળ અમેરિકાથી જ લગભગ 1200 કર્મચારી નિકાળવામાં આવશે. 

આ કારણે થયો ઘટાડો
કંપની જે જગ્યા પરથી મુખ્ય આવક થતી હોય છે જેમકે સિનેમાહોલ, બાર અને સ્ટેડિયમ ત્યાં ખૂબ ઓછી સંખ્યામાં લોકો આવી રહ્યા છે. એવામં આ સોફ્ટ ડ્રિકની માંગ ખૂબ ઓછી થઇ ગઇ છે. જેથી તેની આવક પર અસર પડી છે. કંપની આવક 9 ટકા ઘટી ગઇ છે. 

આ વર્ષની શરૂઆતમાં કોકાકોલાની પાસે 86,200 કર્મચારી હતા. અમેરિકામાં ફક્ત 10,400 કર્મચારી કોકાકોલામાં કામ કરતા હતા. આ કપાત કુલ વર્ક ફોર્સની 2.5 ટકા છે. કંપનીની રેવન્યૂ 8.7 બિલિયન ડોલર રહી. કંપનીએ કહ્યુ6 કે વર્ક ફોર્સ ઓવરહોલમાં $ 350 મિલયનથી $ 550 મિલિયનનો ખર્ચ આવશે. કોકે કહ્યું કે આ વાર્ષિક બચત જેટલી રકમ થશે. 

છટણી કોકના બોટલરોને પ્રભાવિત નહી કરે. જે ઘણી હદે સ્વતંત્ર છે. બોટલર્સ સહિત, કંપની દુનિયાભરમાં 700,000થી વધુ લોકોને રોજગાર આપે છે.