કોરોનાથી વર્લ્ડના બજારોમાં મચ્યો હાહાકાર, જાણો ભારતીય શેર માર્કેટમાં કેટલો ઘટાડો

નવી દિલ્હી: કોરોના વાયરસના કારણે પાછલા કેટલાક દિવસોથી સમગ્ર દુનિયાના શેર બજારોમાં જબરદસ્ત વેચાણનો દોર ચાલી રહ્યો છે. દુનિયાભરના બજારો પર આજ પણ કોરોનાની અસર જોવા મળી રહી છે.

ભારતીય શેર બજારમાં પણ મચ્યો હાહાકાર
આજે અઠવાડીયાના પહેલા દિવસે પણ બજાપમાં ભારે વાચણ સાથે કારોબારની શરૂઆત થઇ છે. શેર બજાર ખુલવાના થોડા સમયમાં જ સેન્સેક્સ 1,326 પોઈન્ટના ઘટાડા સાથે 32,776.72 પર ખુલ્યો હતો. જ્યારે 2,713.41ના ઘટાડા સાથે 31,390.07 પર બંધ થયો હતો. તો બીજીતરફ નિફ્ટી 399.60 પોઈન્ટના ઘટાડા સાથે 9555.60 પર ખુલ્યો હતો. જેની સામે માર્કેટ બંધ થવા સમયે નિફ્ટી 756.10ના ઘટાડા સાથે 9,199.10 પર બંધ થયો હતો.

અમેરિકન શેર બજારમાં પણ નોંધાયો ઘટાડો
સોમવારના અમેરિકન શેર બજારમાં જબરદસ્ત ઘટાડો જોવા મળ્યો છે. બેન્ચમાર્ક ડાઉ જોન્સ 4.56 ટકાનો ઘટાડા જોવા મળ્યો છે. સંકેત લેતા એશિયન બજારોમાં પણ નીચેનો ટ્રેન્ડ જોવા મળ્યો. જાણકારોનું કહેવું છે કે, કોરોના વાયરસનો ભય અમેરિકન બજારમાં સ્પષ્ટ જોવા મળી રહ્યો છે.

એશિયન બજારોમાં પણ જોવા મળ્યો ઘટાડો
આજે એશિયન બજારોમાં પણ ઘટાડા સાથે જ ટ્રેડિંગ જોવા મળ્યું છે. એશિયન બજારોમાં ચીનના શાંઘાઈ કમ્પોઝિટમાં 3.40 ટકાનો ઘટાડો જોવા મળ્યો છે. હોગકોંગના હૈંગસેંગ 4.03 ટકાનો ઘટાડો જોવા મળ્યો, દક્ષિણ કોરિયાના કોપ્સીમાં 3.19 ટકા અને જાપાનના નિક્કીમાં 2.46 ટકાનો ઘટાડો જોવા મળ્યો હતો.