નવી દિલ્હીઃ એક નાની કંપની ડાયમંડ પાવર ઈન્ફ્રાસ્ટ્રક્ચર લિમિટેડના સ્ટોકે એક વર્ષમાં છપ્પરફાડ રિટર્ન આપ્યું છે. કંપનીના શેરમાં છેલ્લા એક વર્ષમાં 600 ટકાથી વધુની તેજી આવી છે. ડાયમંડ પાવર ઈન્ફ્રાસ્ટ્રક્ચરના શેર એક વર્ષમાં 23 રૂપિયાથી વધી 1500 રૂપિયાને પાર પહોંચી ગયા છે. કંપનીના શેર મંગળવાર 27 ઓગસ્ટે બોમ્બે સ્ટોક એક્સચેન્જમાં 1560.60 રૂપિયા પર બંધ થયા છે. ડાયમંડ પાવર ઈન્ફ્રાસ્ટ્રક્ચરના શેરનું 52 સપ્તાહનું હાઈ લેવલ 1644.95 રૂપિયા છે. તો કંપનીના શેરનું 52 સપ્તાહનું લો લેવલ 22.11 રૂપિયા છે. 


COMMERCIAL BREAK
SCROLL TO CONTINUE READING

1 લાખના બનાવી દીધા 67 લાખ રૂપિયા
ડાયમંડ પાવર ઈન્ફ્રાસ્ટ્રક્ચરના સ્ટોકમાં છેલ્લા એક વર્ષમાં તોફાની તેજી આવી છે. કંપનીના શેર 18 સપ્ટેમ્બર 2023ના બોમ્બે સ્ટોક એક્સચેન્જમાં 23.21 રૂપિયા પર હતા. કંપનીના શેર 27 ઓગસ્ટ 2024ના 1560.60 રૂપિયા પર બંધ થયા છે. જો કોઈ વ્યક્તિએ 18 સપ્ટેમ્બર 2023ના ડાયમંડ પાવર ઈન્ફ્રાસ્ટ્રક્ચરના શેરમાં 1 લાખ રૂપિયા લગાવ્યા હોત અને પોતાનું રોકાણ બનાવી રાખ્યું હોય તો આજે તેની વેલ્યૂ 67.23 લાખ રૂપિયા હોત. ડાયમંડ પાવર ઈન્ફ્રાસ્ટ્રક્ચરનું માર્કેટ કેપ 8223 કરોડ રૂપિયા પહોંચી ગયું છે.


આ વર્ષે અત્યાર સુધી કંપનીના શેરમાં 893 ટકાની તેજી
ડાયમંડ પાવર ઈન્ફ્રાસ્ટ્રક્ચર લિમિટેડના સ્ટોકમાં આ વર્ષે અત્યાર સુધી 893 ટકાની તેજી આવી છે. આ વર્ષની શરૂઆતમાં 1 જાન્યુઆરી 2024ના કંપનીના શેર 157.15 રૂપિયા પર હતા. કંપનીના શેર 27 ઓગસ્ટ 2024ના 1560.60 રૂપિયા પર બંધ થયા છે. છેલ્લા છ મહિનામાં કંપનીના શેર 361 ટકા ઉપર ગયા છે. કંપનીના શેર 27 ફેબ્રુઆરી 2024ના 338.80 રૂપિયા પર હતા. કંપનીના શેર 27 ઓગસ્ટ 2024ના 1560.60 રૂપિયા પર બંધ થયા છે.


આ પણ વાંચોઃ Post Office ની આ સ્કીમ સામાન્ય વ્યક્તિને પણ બનાવી શકે છે કરોડપતિ, બસ અપનાવો આ ટ્રિક


કંપનીને મળ્યો 40 કરોડનો ઓર્ડર
ડાયમંડ પાવર ઈન્ફ્રાસ્ટ્રક્ચરને આ મહિને લાર્સન એન્ડ ટૂર્બો લિમિટેડ કન્સ્ટ્રક્શન પાસેથી 40.12 કરોડ રૂપિયાનો લેટર ઓફ ઈન્ટેન્ટ મળ્યો છે. કંપનીને AL 59 જેબ્રા કંડક્ટર્સ-ન્યૂ જનરેશન્સ એલ્યુમીનિયમ એલોટ કંડક્ટર્સની સપ્લાય કરવાની છે. આ કામને જૂન 2025 સુધી પૂરુ કરવાનું છે. 
 
(ડિસ્ક્લેમરઃ અહીં માત્ર શેરના પરફોર્મંસની જાણકારી આપવામાં આવી છે. આ રોકાણની સલાહ નથી. શેરબજારમાં રોકાણ જોખમો અધીન હોય છે. રોકાણ કરતા પહેલા તમારા નાણાકીય એડવાઇઝરની સલાહ લો)