UPI છે તો આખો દિવસ પેમેન્ટ કરતા રહેશો તો નહીં ચાલે! તેની મર્યાદા પણ હોય છે
UPI Transaction Limit: UPIથી મની ટ્રાન્સફર માટે નક્કી છે સીમા... દિવસ દરમિયાન 1 લાખ રૂપિયા જ ટ્રાન્સફર થશે... જો લિમિટ ક્રોસ કરી તો 24 કલાક રાહ જોવી પડશે... Paytm UPIના નિયમો થોડા અલગ છે
UPI Transaction Limit : UPIથી પેમેન્ટ કરવા માટે એપ ઓપન કરો છો અને જો પેમેન્ટ નથી રહ્યું તો તમને એવું લાગશે કે, એપ કામ નથી કરી રહી અથવા તો નેટવર્ક એરર છે. પરંતુ એવું જ હોય એવું જરૂરી નથી. એવું પણ બની શકે કે, દિવસભરની UPI લિમિટ પૂરી થઇ ગઇ હોય. જીં હા.. અમે તમને એ જણાવીશું કે, UPI મારફતે દિવસમાં કેટલું ટ્રાન્જેક્શન કરી શકો છો. જેની એક સીમા નક્કી થયેલી છે.
સૌથી પહેલાં વાત કરીએ તો UPIની દેખરેખ NPCI એટલે કે નેશનલ પેમેન્ટ કોર્પોરેશન ઓફ ઇન્ડિયા કરી રહી છે. જેની ગાઇડલાઇન અનુસાર એક દિવસમાં માત્ર 1 લાખ રૂપિયા UPIથી ટ્રાન્સફર કરી શકો છો. જો કે, આ લિમિટ તમારી બેન્ક નક્કી કરે છે. જો કેનેરા બેન્ક હોય તો, આ લિમિટ 25 હજાર રૂપિયા સુધીની જ છે.. સ્ટેટ બેન્ક ઓફ ઇન્ડિયા 1 લાખ સુધીના ટ્રાન્સજેક્શનની લિમિટ આપી રહી છે.
જો તમે પણ UPI નો ઉપયોગ કરો છો, તો તમારે જાણવું જ જોઇએ કે UPI ટ્રાન્ઝેક્શન નિઃશંકપણે ખૂબ અનુકૂળ છે, પરંતુ તેની સાથે વ્યવહાર કરવાની એક મર્યાદા છે. NPCIની માર્ગદર્શિકા અનુસાર, તમે UPI દ્વારા એક દિવસમાં વધુમાં વધુ 1 લાખ રૂપિયા સુધીનું ટ્રાન્ઝેક્શન કરી શકો છો. દરેક બેંકમાં UPI વ્યવહારો માટે દૈનિક મર્યાદા હોય છે. આ મર્યાદા દરેક બેંકમાં બદલાઈ શકે છે. આ ઉપરાંત, દૈનિક વ્યવહારોની સંખ્યા પર પણ એક મર્યાદા છે, એટલે કે, તમે એક દિવસમાં તેનાથી વધુ ટ્રાન્ઝેક્શન નહીં કરી શકો. તેના વિશે અહીં જાણો.
આ પણ વાંચો :
એકલામાં જ જોજો આ, ‘ગંદી બાત’ની બોલ્ડ હિરોઈનનો વીડિયો થયો વાયરલ
જોશજોશમાં મોડલે એવી ફ્રેન્ચ Kiss કરી કે જીભ કપાઈ, ઈન્સ્ટાગ્રામ પર શેર કરી આખી કહાની
SBI તમને 1 લાખ રૂપિયા સુધીના વ્યવહારો કરવાની મંજૂરી આપે છે, જે દૈનિક મર્યાદા પણ છે. જ્યારે કેનેરા બેંકમાં આ મર્યાદા માત્ર 25 હજાર રૂપિયા છે. ICICI બેંકે તેના વપરાશકર્તાઓ માટે UPI ટ્રાન્ઝેક્શન લિમિટ અને 10,000 રૂપિયાની દૈનિક મર્યાદા નક્કી કરી છે. પંજાબ નેશનલ બેંકની ટ્રાન્ઝેક્શન મર્યાદા 25,000 રૂપિયા છે, જ્યારે દૈનિક UPI ટ્રાન્ઝેક્શન લિમિટ 50,000 રૂપિયા છે. આ સિવાય HDFC બેંક અને બેંક ઓફ ઈન્ડિયામાં UPI ટ્રાન્ઝેક્શન અને દૈનિક મર્યાદા 1 લાખ રૂપિયા નક્કી કરવામાં આવી છે.
અડ્યા તો મર્યા સમજો, આ છે દુનિયાનો સ્યૂસાઇડ છોડ, જેનુ ઝેર સાપ કરતા પણ કાતિલ છે
હવે આ વાત પણ જાણી જ લો કે, બધી જ એપ્લિકેશન અને બધા જ બેન્ક એકાઉન્ટ મળીને દિવસમાં તમે UPIથી 10 વખત ટ્રાન્જેક્શન કરી શકો છો. આ લિમિટ ક્રોસ કરી તો 24 કલાક રાહ જોવી પડશે.
પેટીએમ પર કાર્યક્રમ થોડો અલગ છે. અહીં દિવસની સાથે સાથે 1 કલાકની પણ લિમિટ છે. તમે દિવસ દરમિયાન 1 લાખ ટ્રાન્સફર કરી શકો છો. પરંતુ એક કલાકમાં માત્ર 20 હજાર રૂપિયા જ ટ્રાન્સફર થશે.
આ પણ વાંચો : વજન ઘટાડવાની દવાથી દૂર રહેજો, નહિ તો હાથી જેવુ થઈ જશે શરીર અને ખબર પણ નહિ પડે...