25 લાખનો વીમો, વાઈ-ફાઈ, કોફી મશીન સહિતની આધુનિક સુવિધા સાથે કાલથી દોડશે તેજસ એક્સપ્રેસ

નવી દિલ્હીઃ દિલ્હી-લખનઉ રેલમાર્ગ પર ચાલનારી પ્રથમ ખાનગી ટ્રેન દિલ્હી-લખનઉ તેજસ એક્સપ્રેસ બાદ બીજી ખાનગી ટ્રેન મુંબઈ-અમદાવાદ તેજસ એક્સપ્રેસનું ઉદ્ઘાટનન કાલે એટલે કે 17 જાન્યુઆરીએ થવા જઈ રહ્યું છે. રેલવે પ્રધાન પીયૂષ ગોયલે ગુરુવારે આ અત્યાધુનિક કોચની તસવીરો પોતાના ટ્વીટર એકાઉન્ટ પર શેર કરી છે. 

તેમણે ટ્વીટ કરી રહ્યું, કાલે ઉદઘાટન થવા જઈ રહેલી મુંબઈ-અમદાવાદ તેજસ એક્સપ્રેસની પ્રથમ ઝલક જુઓ. પરંપરાગત વેશભૂષામાં સજાયેલા ચાલક દળના સભ્યોની સાથે યાત્રીકોની સુવિધામાં વધારો કરવા માટે અત્યાધુનિક સુવિધાઓ વાળી નવી તેજસ એક્સપ્રેસ આધુનિકતાની સાથે-સાથે ભારતીય સંસ્કૃતિનું પણ મિશ્રિત રૂપ છે. 

150 ખાનગી ટ્રેન ચલાવવાનું લક્ષ્ય
સરકારે રેલવેમાં સુધાર માટે 50 સ્ટેશનોને વિશ્વ સ્તરીય બનાવવા અને રેલવે નેટવર્ક પર 150 રેલગાડીના સંચાલનની જવાબદારી ખાનગી એકમને આપવાનું લક્ષ્ય રાખ્યું છે. તેજસ એક્સપ્રેસ આ યોજનાનો ભાગ છે. 

IRCTC તેનું બુકિંગ શરૂ કરી દીધું છે. આ ટ્રેનમાં કુલ 758 સીટો છે, જેમાં 56 લીટો એક્ઝિક્યૂટિવ ક્લાસની અને બાકી સીટો એસી ચેર કારની છે.