ઓ બાપ રે! મારી નાખ્યા...સોનું એક જ મહિનામાં 8000 રૂપિયા ચડી ગયું? આખરે જડી ગયું બંપર તેજીનું કારણ

સોનામાં સતત તેજી ચાલી રહી છે. સોમવારે તો સોનાનું નવા શિખર પર પહોંચી ગયું. મલ્ટી કોમોડિટી એક્સચેન્જ પર પહેલીવાર સોનાના ભાવ 71,000 રૂપિયા પાર પહોંચ્યો. શરૂઆતના કારોબારમાં તે લગભગ 400 રૂપિયાની તેજી સાથે 71057 રૂપિયા પ્રતિ 10 ગ્રામ પહોંચી ગયું. વિદેશી બજારમાં પણ સોનું રેકોર્ડ સ્તર પર જોવા મળી રહ્યું છે. સવાલ એ છે કે આખરે સોનામાં આ તેજી શેના કારણે જોવા મળી રહી છે. 

આજનો સોનાનો ભાવ
ઈન્ડિયા બુલિયન એન્ડ જ્વેલર્સ એસોસિએશન (India Bullion And Jewellers Association)ની અધિકૃત વેબસાઈટ ibjarates.com મુજબ 999 પ્યોરિટીવાળા 10 ગ્રામ સોનામાં આજે 1182 રૂપિયાની મસમોટો વધારો જોવા મળ્યો છે અને ભાવ 71064 રૂપિયાના સ્તરે પહોંચી ગયો છે. જ્યારે 916 પ્યોરિટીવાળું 10 ગ્રામ સોનું 1083 રૂપિયા વધીને 65095 રૂપિયાના સ્તરે પહોંચ્યું છે. ચાંદીની વાત કરીએ તો ચાંદી હાલ પ્રતિ કિલો 2287 રૂપિયા વધીને 41572 રૂપિયા પ્રતિ કિલો જોવા મળી રહી છે.