Flights Ticket: દિવાળી પહેલા હવાઈ યાત્રા કરનાર લોકો માટે એક મોટી ખુશખબરી સામે આવી છે. હવાઈ મુસાફરી કરનાર લોકો માટે ડોમેસ્ટિક રૂટ પર સરેરાશ ભાડામાં ગત વર્ષની તુલનામાં 20થી 25 ટકાનો ઘટાડો નોંધાયો છે. એટલે કે ગત વર્ષની તુલનામાં યાત્રી આ વર્ષે સસ્તામાં હવાઈ મુસાફરી કરી શકે છે. 


COMMERCIAL BREAK
SCROLL TO CONTINUE READING

ટ્રાવેલ પોર્ટલ ixigo દ્વારા કરવામાં આવેલા વિશ્લેષણથી જાણવા મળ્યું છે કે ડોમેસ્ટિક રૂટ પર હવાઈ ભાડામાં 20-25 ટકાનો ઘટાડો નોંધાયો છે. આ કિંમતો 30 દિવસના APD (એડવાન્સ પેમેન્ટ ડેટ)ના આધાર પર એક તરફના સરેરાશ ભાડા પર છે. ગત વર્ષ દિવાળી 10-16 નવેમ્બર સુધી મનાવવામાં આવી હતી, જ્યારે આ વર્ષ આ 28 ઓક્ટોબરથી 3 નવેમ્બર સુધી છે. 


કેમ ભાડામાં આવ્યો ઘટાડો?
વિશ્લેષણમાં ઘટાડાનું કારણ ક્ષમતામાં વધારો અને તેલના ભાવમાં તાજેતરના ઘટાડાને કારણભૂત ગણવામાં આવે છે, જે હવાઈ ટિકિટના ભાવમાં ઘટાડા માટેના કારણોમાંનું માનવામાં આવે છે. પીટીઆઈ અનુસાર, ixigo ગ્રુપના સીઈઓ આલોક બાજપાઈએ જણાવ્યું હતું કે મર્યાદિત ક્ષમતાને કારણે ગયા વર્ષે દિવાળીની આસપાસ હવાઈ ભાડામાં વધારો થયો હતો. તેમણે કહ્યું કે ક્ષમતામાં ઘટાડો મુખ્યત્વે ગો ફર્સ્ટ એરલાઇનના સસ્પેન્શનને કારણે થયો હતો.


આલોક બાજપેયીએ કહ્યું કે આ વર્ષે અમે થોડી રાહત જોઈ છે. કારણ કે ગયા વર્ષની સરખામણીમાં આ વર્ષે વધુ ક્ષમતા ઉમેરવામાં આવી છે. આ કારણે ઓક્ટોબરના છેલ્લા સપ્તાહમાં ચોક્કસ રૂટ પર સરેરાશ એર ટિકિટમાં 20 થી 25 ટકાનો ઘટાડો થયો છે.


આ રૂટ પર હવાઈ ભાડામાં સૌથી વધુ ઘટાડો
અમુક રૂટ પર હવાઈ ભાડામાં ઘટાડો કરવામાં આવ્યો છે, પરંતુ એક ચોક્કસ રૂટ પર ભાડામાં સૌથી વધુ ઘટાડો થયો છે. વિશ્લેષણ મુજબ, સરેરાશ હવાઈ ભાડામાં મહત્તમ 38 ટકાનો ઘટાડો બેંગલુરુ-કોલકાતા ફ્લાઇટ માટે આવ્યો છે, જે ગયા વર્ષના રૂ. 10,195થી ઘટીને આ વર્ષે રૂ. 6,319 પર આવી ગયો છે.


કયા રૂટ પર હવે કેટલું ભાડું?


  • ચેન્નાઈ-કોલકાતા રૂટ પર ટિકિટની કિંમત 8,725 રૂપિયાથી 36 ટકા ઘટીને 5,604 રૂપિયા થઈ ગઈ છે.

  • મુંબઈ-દિલ્હી ફ્લાઈટનું સરેરાશ હવાઈ ભાડું રૂ. 8,788 થી 34 ટકા ઘટીને રૂ. 5,762 થયું છે.

  • એ જ રીતે દિલ્હી-ઉદયપુર રૂટ પર ટિકિટની કિંમત 11,296 રૂપિયાથી 34 ટકા ઘટીને 7,469 રૂપિયા થઈ ગઈ છે.

  • દિલ્હી-કોલકાતા, હૈદરાબાદ-દિલ્હી અને દિલ્હી-શ્રીનગર રૂટ પર આ ઘટાડો 32 ટકા છે.


તેલના ભાવમાં પણ ઘટાડો
બાજપેયીએ કહ્યું કે આ વર્ષે તેલના ભાવમાં 15 ટકાનો ઘટાડો થયો છે, જેના કારણે તહેવારોની સિઝનમાં મુસાફરોને વધુ પોસાય તેવા વિકલ્પો મળ્યા છે. ભૌગોલિક રાજકીય તણાવ વચ્ચે તેલની કિંમતો થોડી ઉપર તરફ આગળ વધી રહી છે. આવી સ્થિતિમાં કેટલીક જગ્યાએ ભાડું પણ મોંઘુ થઈ ગયું છે. આ વધારો 34 ટકા થયો છે.


અમદાવાદ-દિલ્હી રૂટ પર ટિકિટનો ભાવ રૂ. 6,533થી 34 ટકા વધીને રૂ. 8,758 થયો છે, જ્યારે મુંબઈ-દેહરાદૂન રૂટ પર રૂ. 11,710થી રૂ. 15,527 પર 33 ટકાનો વધારો થયો છે.