ટેક્સ માટે ડુપ્લીકેટ બિલ બનાવીને સરકારને ચૂનો લગાવનારની ખેર નહી, હવે થશે બધાની તપાસ

નવી દિલ્હી: ડુપ્લીકેટ બિલ બનાવીને સરકાર પાસે ઇનપુટ ક્રેડિટ ટેક્સનો દાવો ઠોકનારાઓની ખેર નહી. ટેક્સ અધિકારી ટૂંક સમયમાં આવા મામલાઓની તપાસ શરૂ કરી શકે છે, જેમાં ઇનપુટ ટેક્સ ક્રેડિટ માટે ધડાધડ દાવા ઠોકવામાં આવી રહ્યા છે. મામલો સીધો છે અને સરકારી ખજાના સાથે જોડાયેલ છે. GST કલેક્શનમાં ઝડપથી ધટાડો આવી રહ્યો છે અને અધિકારી તેનાથી પરેશાન છે. ટેક્સ કલેક્શન કેમ ઘટી રહ્યું છે, તેના કારણોની તપાસ માટે એક મંત્રી સમૂહની રચના કરવામાં આવશે. જ્યારે આ મંત્રી સમૂહની બેઠક થઇ, ત્યારે આ વાતની સંભાવના જોવા મળી કે કેટલાક બિઝનેસમેન નકલી બિલ દ્વારા ઇનપુટ ક્રેડિટનો દાવો ઠોકી રહ્યા છે. તેના લીધે જે ટેક્સ કલેક્શન છે, તેમાંથી મોટી રકમ ઇનપુટ ક્રેડિટ તરીકે પરત જઇ રહી છે. 

80% ઇનપુટ ટેક્સ ક્રેડિટ
નાણાકીય વર્ષ 2018-19માં GSTનું સરેરાશ માસિક કલેક્શન 96,000 કરોડ રૂપિયા રહ્યું છે. કુલ જીએસટી દેણદારીમાં 80 ટકાના નિકાલ ઇનપુટ ટેક્સ ક્રેડિટ દ્વારા થાય છે. માત્ર 20 ટકા ટેક્સ જ કેશના રૂપમાં જમા કરવામાં આવે છે. સૂત્રોએ જણાવ્યું કે હાલની વ્યવસ્થામાં ઇનપુટ ટેક્સ ક્રેડિટનો દાવો દાખલ કરવામાં અને તેને મેચ કરવામાં ઘણું અંતર છે, એવામાં સંભવ છે કે થોડા દાવાઓ નકલી બિલોના આધાર પર કરવામાં આવી રહ્યા છે. એકવાર રિટર્ન ફાઇલ કરવાની નવી સિસ્ટમ આવી જાય તો અધિકારીઓ પાસે એક્ચુઅલ ટાઇમમાં દાવાઓ મેચ કરવાની સુવિધા રહેશે. સૂત્રોએ કહ્યું કે ટ્રેજરી વિભાગ હવે ITC ના દાવાઓની વધુ સંખ્યાઓમાં તપાસ કરશે જેથી તે જાણી શકાય કે તે દાવો સાચા કે છે ખોટા.

હવે GST કલેક્શન (2018-19)?

એપ્રિલ	રૂપિયા 1.03 લાખ કરોડ
મે	રૂપિયા 94,016 લાખ કરોડ
જૂન	રૂપિયા 95,610 કરોડ
જુલાઇ	રૂપિયા 96,483 કરોડ
ઓગસ્ટ	રૂપિયા 93,960 કરોડ
સપ્ટેમ્બર	રૂપિયા 94,442 કરોડ
ઓક્ટોબર	રૂપિયા1,00,710 કરોડ
નવેમ્બર	રૂપિયા 97,637 કરોડ
ડીસેમ્બર	રૂપિયા 94,726 કરોડ