નોકરી કે બિઝનેસ? બંનેમાંથી એકની પસંદગીમાં કન્ફ્યુઝન હોય તો વાંચો આટલું

નવી દિલ્હી :દેશમાં હાલ નોકરી (Jobs) ના આંકડાને લઈને ચર્ચા તેજ બની છે. કેટલાક લોકોનું કહેવુ છે કે, નોકરીની તક ઘટી રહી છે. જ્યારે કે સરકાર કહી રહી છે કે, મોટી સંખ્યામાં લોકો પોતાનો બિઝનેસ કરી રહ્યાં છે. આ સત્ય છે કે, જો કેટલાક લોકો પોતાનું સ્ટાર્ટઅપ (Start-up) શરૂ નહિ કરે, તો બીજાને નોકરી કેવી રીતે મળશે. તેથી કેટલાક સાહસી લોકોએ ઉદ્યમી બનવાનો રસ્તો અપનાવવો પડશે. પરંતુ આ પહેલા એ સમજી લેવું બહુ જ જરૂરી છે કે, શું તમારામાં ઉદ્યમી બનવવાની શક્યતાઓ છે અને કયા ક્ષેત્રમાં તમારે હાથ અજમાવવો જોઈએ.

તમારું મૂલ્યાંકન કરો
ઉદ્યમી બનવાને રસ્તામાં સૌથી પાયાગત સવાલ એ છે કે, શું બિઝનેસ કેમ કરવા માંગો છો. આ સવાલમાં જ એ વાતનો જવાબ પણ છુપાયેલો છે કે, તમારે કયો બિઝનેસ કરવો જોઈએ. આ કારણ વધુ રૂપિયા કમાવવા, કે આઝાદીની તક અથવા તો બીજુ કંઈ પણ હોઈ શકે છે. જ્યારે તમે આ કારણ શોધી લેશો, તો પછી પોતાની જાતને બીજા સવાલો કરો...

• તમારી પાસે શું સ્કીલ છે?
• જીવનમાં તમારા શોખ કયા છે?
• બિઝનેસ ફેલ થશે તેનાથી માહિતગાર રહો, તો તમે બિઝનેસમાં કેટલું ઈન્વેસ્ટ કરી શકો છો?
• તમારી પાસે કેટલા રૂપિયા છે તેનુ મૂલ્યાંકન કરો.
• શું તમે વ્યવસાયી બનવા તૈયાર છો?

આ સવાલોનો જવાબ તમારી જાતને ઈમાનદારીથી આપો. બાદમાં તૈયારી સાથે વેપાર શરૂ કરો. ‘કરી લઈશું, થઈ જશે’ એવો એપ્રોચ ન રાખો, નહિ તો નુકશાન થશે. તમારી આદતોને નજરઅંદાજ ન કરો. જેમ તમે સવારે મોડા ઉઠો છો, તો વેપાર માટે જલ્દી પણ ઉઠવુ પડશે. 

કયો વેપાર કરવો ?

• તપાસ કરો કે, માર્કેટમાં શું નવુ આવ્યું, કયો ટ્રેન્ડ માર્કેટમાં ચાલી રહ્યો છે. શું તમે આ નવા ટ્રેન્ડની શરૂઆતમાં હાથ અજમાવી શકશો?
• એવું વિચારો કે લોકો કઈ બાબતોને લઈને પરેશાન છે. જો તમારો વેપાર કે પ્રોડક્ટ તેમની સમસ્યાઓને દૂર કરવામાં મદદ કરશે, તો એ વેપાર કરી શકાય છે.
• તેજ, સસ્તા અને સારા નજરિયાથી બચો. તમારા દ્વારા આપવામાં આવી રહેલા સર્વિસ બીજા કરતા બેટર, સસ્તી અને તેજ હોવી જોઈએ. 
• કેટલીક બાબતો પર વધુ વિચાર કરવો જોઈએ. જેમ કે, શું તમારા બિઝનેસ આઈડિયા બીજા સરળતાથી કોપી કરી શકે છે, શું તમને બિઝનેસ બંધ કરવો પડ્યો તો તે કેટલુ મુશ્કેલ રહેશે અને નુકશાન કેટલું થશે, વન ટાઈમ ઈન્વેસ્ટમેન્ટ ઉપરાંત ઓપરેટિંગ કોસ્ટ શું રહેશે?

આ તમામ બાબતો પર ધ્યાન આપીને તમે બિઝનેસમાં ઝંપલાવી શકો છો. યાદ રાખો કોઈ પણ બિઝનેસ આઈડિયા પર કામ શરૂ કરતા પહેલા તેમાં માત્ર સારી સારી બાબતો જ દેખાય છે, કામ શરૂ થવાની સાથે જ તેની બીજી બાજુ સામે આવતી જાય છે. તેથી ચેલેન્જિસનો સામનો કરવા માટે જરૂરી સાધનો તમારી પાસે હોવા જોઈએ.

દેશ વિદેશના લેટેસ્ટ સમાચાર, જુઓ LIVE TV :