ઓ તારી...! હવે Swiggy માં જશે નોકરીઓ! 10 ટકા કર્મચારીઓને ઘરભેગા કરી દેશે, આ છે કારણ

Swiggy Layoffs 2023: વૈશ્વિક મંદીના ભય વચ્ચે, ઘણી કંપનીઓ કર્મચારીઓને બહારનો રસ્તો બતાવી રહી છે. Amazon, Twitter, Google અને Microsoft બાદ ફૂડ ડિલિવરી કંપની Swiggy  પણ કર્મચારીઓની છટણી કરવાની યોજના બનાવી રહી છે. Swiggyએ કહ્યું છે કે તે તેના 10 ટકા કર્મચારીઓની છટણી કરી શકે છે.

ઘણી સેવાઓ પ્રભાવિત થઈ શકે છે
સૂત્રો પાસેથી પ્રાપ્ત માહિતી અનુસાર, Swiggyમાં આગામી છટણીથી કંપનીના ઉત્પાદન, એન્જિનિયરિંગ અને કામગીરી જેવા વર્ટિકલ્સને અસર થવાની સંભાવના છે. રોકડ ખર્ચો ઘટાડવા માટે આગામી છટણીઓ Swiggy ની ઇન્સ્ટન્ટ કોમર્સ ડિલિવરી સેવા ઇન્સ્ટામાર્ટને પણ અસર કરશે તેવી અપેક્ષા છે.

250 થી વધુ કર્મચારીઓની છટણી
કંપનીએ આગામી છટણી અંગે મીડિયાના પ્રશ્નોનો જવાબ આપ્યો ન હતો. અગાઉ ડિસેમ્બરમાં સામે આવેલા અહેવાલોમાં એવું કહેવામાં આવ્યું હતું. Swiggy  જાન્યુઆરીથી 250 થી વધુ કર્મચારીઓ અથવા તેના 5 ટકા કર્મચારીઓની છટણી કરી શકે છે.

છટણીની સંખ્યા વધી શકે છે
સૂત્રોના જણાવ્યા અનુસાર ઓક્ટોબરની કામગીરીને જોતા છટણી કરાયેલા કર્મચારીઓની સંખ્યામાં વધુ વધારો થવાની તૈયારી છે. કંપનીમાં લગભગ છ હજાર કર્મચારીઓ કામ કરે છે. અગાઉના નિવેદનમાં, Swiggy એ કહ્યું હતું કે છટણી કરવામાં આવી નથી અને દરેક પ્રદર્શન ચક્રની જેમ, અમે અપેક્ષા રાખીએ છીએ કે છટણી કામગીરી પર આધારિત હશે.

કંપનીની ખોટ બમણી થઈ
ઓનલાઈન ફૂડ ડિલિવરી પ્લેટફોર્મની ખોટ FY22માં બમણી થઈને રૂ. 3,629 કરોડ થઈ હતી જે અગાઉના નાણાકીય વર્ષમાં રૂ. 1,617 કરોડ હતી. રજિસ્ટ્રાર ઓફ કંપનીઝના વાર્ષિક નાણાકીય નિવેદન અનુસાર, FY22માં કુલ ખર્ચ 131 ટકા વધીને રૂ. 9,574.5 કરોડ થયો છે.

આવક 2.2 ગણી વધી
Swiggyનું રાજસ્વ  FY22 દરમિયાન 2.2 ગણી વધીને રૂ. 5,705 કરોડ થયું છે, જે FY21માં રૂ. 2,547 કરોડ હતું. ગયા વર્ષે નવેમ્બરમાં, વૈશ્વિક બ્રોકરેજ ફર્મ જેફરીઝે કહ્યું હતું કે Swiggy  ભારે ડિસ્કાઉન્ટ ઓફર કરવા છતાં હરીફ ઝોમેટો સામે બજાર હિસ્સો ઝડપથી ગુમાવી રહી છે. અગાઉ 2022 માં, ફૂડ ડિલિવરી પ્લેટફોર્મે $10.7 બિલિયનના મૂલ્યાંકન સાથે ઇન્વેસ્કોની આગેવાની હેઠળ $700 મિલિયન એકત્ર કર્યા હતા.