Modi Cabinet Decision: મોદી સરકારની ખેડૂતોને મોટી ભેટ, MSP માં કરાયો બંપર વધારો

Cabinet Meeting: પ્રધાનમંત્રી નરેન્દ્ર મોદીની અધ્યક્ષતામાં થયેલી કેબિનેટ બેઠકમાં સરકારે મોટો નિર્ણય લીધો છે. સરકારે આજે અનેક પાકના MSP માં વધારો કર્યો છે. આ વખતે પાકના ટેકાના ભાવમાં મોટો વધારો કરાયો છે. જેનો સીધો ફાયદો ખેડૂતોને થશે. અત્રે જણાવવાનું કે આ વખતે ધાન્ય પર 7 ટકા એમએસપી વધારવામાં આવી છે. 

કેટલું વધ્યું MSP
કેન્દ્રીય મંત્રી પીયુષ ગોયલે જણાવ્યું કે મગની દાળના ટેકાના ભાવ એટલે કે MSP માં સૌથી વધુ 10.4 ટકા, મગફળી પર 9%, સેસમમ પર 10.3%, ધાન પર 7 ટકા, જુવાર, બાજરી, રાગી, મેજ, મકાઈ, તુવેરની દાળ, અડદની દાળ, સોયાબીન, સૂરજમુખી બીજ પર નાણાકીય વર્ષ 2023-24 માટે લગભગ 6-7% નો વધારો કરવામાં આવ્યો છે. 

MSP 2183 રૂપિયા પ્રતિ ક્વિન્ટલ
સરકારે વર્ષ 2023-24 માટે ધાનનું MSP 143 રૂપિયા વધારીને 2,183 રૂપિયા પ્રતિ ક્વિન્ટલ કરવાની જાહેરાત કરી છે. આ નિર્ણયનો હેતુ ખેડૂતોને ધાન્યની ખેતી માટે પ્રોત્સાહન આપવા અને તેમની આવક વધારવાનું છે. પ્રધાનમંત્રી નરેન્દ્ર મોદીની અધ્યક્ષતામાં બુધવારે થયેલી આર્થિક મામલાઓની મંત્રીમંડળ સમિતિ (CCEA) ની બેઠકમાં 2023-24 ના પાક વર્ષ માટે ખરીફના તમામ પાકનું MSP વધારવા માટે મંજૂરી આપવામાં આવી.