Navratri Offers : સોનાના દાગીના પર ઑફર્સની ભરમાર , જાણો કોણ આપી રહ્યું છે કેટલું ડિસ્કાઉન્ટ?

Navratri gold offers: જો તમે આ સમયે સોનું ખરીદો છો, તો તમને સારો નફો મળી શકે છે. આનું કારણ એ છે કે કેટલીક અગ્રણી જ્વેલરી બ્રાન્ડ્સ મેકિંગ ચાર્જિસ પર ડિસ્કાઉન્ટ, ત્રણ સાથે એક ફ્રી અને જ્વેલરી બદલવા પર ડિસ્કાઉન્ટ જેવી ઑફર્સ લઈને આવી છે. આનો લાભ લઈને તમે સારી એવી રકમ બચાવી શકો છો.

તનિષ્ક આ ફેસ્ટિવ સિઝનમાં ઘણી ઑફર્સ લઈને આવી છે. તમે 15 ઓક્ટોબરથી 12 નવેમ્બર, 2023 સુધી ઓનલાઈન અને ઑફલાઈન ખરીદી કરીને આ ઑફર્સનો લાભ લઈ શકો છો. આ નવરાત્રિમાં, તનિષ્ક ગોલ્ડ જ્વેલરીના મેકિંગ ચાર્જ પર 20 ટકા ડિસ્કાઉન્ટ આપી રહ્યું છે. તનિષ્ક ડાયમંડ જ્વેલરી પર પણ ડિસ્કાઉન્ટ આપી રહ્યું છે. જો તમે 12 નવેમ્બર સુધી ખરીદી કરો છો, તો તમને ડાયમંડ જ્વેલરીની કુલ કિંમત પર 20 ટકા ડિસ્કાઉન્ટ આપવામાં આવશે.

તનિષ્ક ગોલ્ડ UCP જ્વેલરી (Gold UCP jewellery)  અને બાય-મેટલ પ્લેન UCP પર 2% ડિસ્કાઉન્ટ ઓફર કરે છે. સ્ટડેડ UCP જ્વેલરી (Studded UCP jewellery) અને બાય-મેટલ સ્ટડેડ UCPની ખરીદીની રકમ પર પણ 3% થી 25% ડિસ્કાઉન્ટ આપવામાં આવી રહ્યું છે. ગ્રાહકો સ્ટડેડ અને પ્લેટિનમ સોલિટેર જ્વેલરી પર 3 ટકા સુધીનું ડિસ્કાઉન્ટ મેળવી શકે છે.

સેન્કો ગોલ્ડ અને ડાયમંડ્સે તાજેતરમાં 'ગોસિપ' કલેક્શન રજૂ કર્યું છે. કંપની આ કલેક્શન હેઠળ ઓફર કરવામાં આવતી જ્વેલરીની ઓનલાઈન ખરીદી પર ‘Buy 3 Get 1 Free’ ઓફર લઈને આવી છે. આ સિવાય કંપની સિલ્વર જ્વેલરી પર 10 ટકા સુધીનું ડિસ્કાઉન્ટ પણ આપી રહી છે.

માલાબાર ગોલ્ડ એન્ડ ડાયમંડ્સ પણ નવરાત્રી ઓફર સાથે આવી છે. આ બ્રાન્ડ માત્ર ઓનલાઈન ખરીદી પર નવરાત્રી ગોલ્ડ ડિસ્કાઉન્ટની ઓફર કરી રહી છે. હવે જો તમે 30,000 રૂપિયાના સોનાના આભૂષણો ખરીદો છો, તો તમને 916 શુદ્ધતાનો 100 મિલિગ્રામનો સોનાનો સિક્કો મફતમાં આપવામાં આવશે. તેવી જ રીતે, હવે તમને રત્ન અને પોલ્કી જ્વેલરીના મેકિંગ ચાર્જ પર 30 ટકા સુધીનું ડિસ્કાઉન્ટ આપવામાં આવી રહ્યું છે.

મલબાર ગોલ્ડ હવે ડાયમંડ જ્વેલરીની કિંમત પર 30 ટકા ડિસ્કાઉન્ટ આપી રહ્યું છે. આ તમામ ઓફર્સનો લાભ 14મી ઓક્ટોબરથી 19મી નવેમ્બર સુધી માન્ય છે. સોનાના સિક્કા, સોલિટેર, ઘડિયાળો અને ગિફ્ટ કાર્ડ પર આ ઑફર નથી.

ઉલ્લેખનીય છે કે નવરાત્રિ દરમિયાન દરરોજ સોનું ઉછળતું હોય છે. ભારતીય બુલિયન માર્કેટમાં શુક્રવાર, 20 ઓક્ટોબર, 2023ના રોજ દસ ગ્રામ સોનું મોંઘુ થઈને રૂ. 61,650 થઈ ગયું હતું. એક કિલો ચાંદીના ભાવ પણ મજબૂત થયા અને તે રૂ. 74,700એ પહોંચ્યા હતા.