નવા વર્ષ પહેલા ઘટશે પેટ્રોલ-ડીઝલના ભાવ! પેટ્રોલિયમ મંત્રીએ આપ્યા મોટા સંકેત

Petrol Diesel Prices: નવા વર્ષ પહેલા પેટ્રોલ અને ડીઝલના ભાવ કેટલાક રાજ્યોમાં ઘટી શકે છે. આ સંકેત મંગળવાર (29 ઓક્ટોબર, 2024) ના કેન્દ્રીય પેટ્રોલિયમ અને પ્રાકૃતિક ગેસ મંત્રી હરદીપ સિંહ પુરીએ આપ્યા છે. તેમણે સોશિયલ મીડિયા પ્લેટફોર્મ એક્સ પર આ જાણકારી આપી છે. 

એક્સ પર પોસ્ટ કરતા હરદીપ સિંહ પુરીએ કહ્યું “BPCL આવતીકાલ (30 ઓક્ટોબર, 2024) થી પેટ્રોલ પંપ ડીલરોના કમિશનમાં વધારો કરવાની જાહેરાત કરતા ખુશ છે, જે ગ્રાહકોને કોઈપણ વધારાના ખર્ચ વિના ગ્રાહક સેવાઓ અને કર્મચારી કલ્યાણને વધારશે. અમે ઈચ્છીએ છીએ કે અમારા ચૅનલ ભાગીદારો અમારા ગ્રાહકોને વિશ્વાસ, સગવડ અને વિશ્વસનીયતા સાથે સેવા આપવાના અમારા સહિયારા વિઝનમાં સતત સફળતા મેળવે.”

અંતરિયાળ ક્ષેત્રોમાં થશે લાભ
પુરીએ આગળ લખ્યું, “વધુમાં, સસ્તા ઇંધણ પ્રત્યેની અમારી પ્રતિબદ્ધતાના ભાગરૂપે, અમે પેટ્રોલ/ડીઝલની કિંમતની અસમાનતા ઘટાડવા માટે આંતર-રાજ્ય નૂર તર્કસંગતતા રજૂ કરી રહ્યા છીએ, જેનાથી ગ્રાહકોને ફાયદો થશે, ખાસ કરીને દૂરના વિસ્તારોમાં, પરંતુ તે એવા રાજ્યોમાં લાગૂ થશે નહીં જ્યાં આદર્શ આચાર સંહિતા લાગી છે.

પેટ્રોલ અને ડીઝલની કિંમતમાં થશે ઘટાડો
હરદીપ સિંહ પુરીએ જણાવ્યું હતું કે, “હું પેટ્રોલ પંપ ડીલરોને ચૂકવવાપાત્ર ડીલર કમિશનમાં વધારો કરવાની અને દૂરના સ્થળોએ (પેટ્રોલ અને ડીઝલ ડેપોથી દૂર) સ્થિત ગ્રાહકોને લાભ આપવા માટે ઓઇલ માર્કેટિંગ કંપનીઓનો આભાર વ્યક્ત કરવા માંગુ છું. "રાજ્યના નૂરને તર્કસંગત બનાવવાના નિર્ણયનું સ્વાગત છે, જે દેશના ઘણા ભાગોમાં પેટ્રોલ અને ડીઝલના ભાવમાં ઘટાડો કરશે. (ચૂંટણી છે તેવા રાજ્યોમાં આ નિર્ણય બાદમાં લાગૂ કરવામાં આવશે)