Reliance Industries AGM 2022: રિલાયન્સની AGMમાં 5G સેવા પર થઈ મોટી જાહેરાત, જાણો ક્યારે લોન્ચ થશે

Reliance Industries AGM 2022: રિલાયન્સ ઈન્ડસ્ટ્રીઝ લિમિટેડની આજે 45મી એન્યુઅલ જનરલ મીટિંગ (AGM) યોજાઈ. એજીએમને મુકેશ અંબાણીએ પણ સંબોધિત કરી. જેમાં જિયો 5જી વિશે મોટી જાહેરાત કરવામાં આવી. ભારતમાં 5જી સેવાઓની ખુબ આતુરતાપૂર્વક રાહ જોવાઈ રહી છે. Reliance AGM માં આજે મુકેશ અંબાણીએ દેશમાં 5જી સેવા લોન્ચ કરવા માટેના ખુશખબર આપ્યા છે. આ ઉપરાંત આ સેવા અંગે અનેક જરૂરી વાતો પણ જણાવી છે. અત્રે જણાવવાનું કે Jio અને એરટેલ આ બે એવી ટેલિકોમ કંપનીઓ છે જેમણે કહ્યું છે કે તેઓ ઓગસ્ટ 2022 કે પછી સપ્ટેમ્બર 2022 સુધીમાં 5જી સેવાઓ ચાલુ કરી શકે છે. 

5જી પર થઈ મોટી જાહેરાત, દિવાળી સુધીમાં થશે લોન્ચ
રિલાયન્સ ઈન્ડસ્ટ્રીઝ લિમિટેડના સીએમડી મુકેશ અંબાણીએ મોટી જાહેરાત કરતા કહ્યું કે રિલાયન્સ જિયોએ વર્લ્ડના ફાસ્ટેટ્સ 5જી રોલઆઉટ પ્લાન તૈયાર ક ર્યો છે. દિવાળી 2022 સુધીમાં મેટ્રો શહેરો જેવા કે દિલ્હી, મુંબઈ, ચેન્નાઈ અને કોલકાતા સહિત મહત્વના શહેરોમાં 5જી સેવા લોન્ચ કરી દેવાશે. અમે દેશના દરેક તાલુકા, તહેસિલ, શહેરમાં 5જી સેવા પૂરી પાડીશું.