પુષ્ય નક્ષત્ર : કરોડોનો બિઝનેસ, ઓટોમોબાઇલ, ઇલેક્ટ્રોનિક્સ સેક્ટરમાં ધનતેરસ માટે થયું બુકિંગ

નવી દિલ્હી: પુષ્ય નક્ષત્રના પહેલાં દિવસે શહેરના બજારોમાં ગ્રાહકોની ભારે ભીડ જોવા મળી રહી છે. પુષ્ય નક્ષત્રના શુભ સંયોગમાં પહેલાં દિવસે ઓટો મોબાઇલ, જ્વેલરી અને ઇલેક્ટ્રોનિક સેક્ટરમાં ધરનતેરસ માટે વાહન, ઘરેણાં અને ઇલેક્ટ્રોનિક આઇટમનું ધૂમ બુકિંગ થઇ રહ્યું છે. શહેરોના બજારોમાં સવારથી ગ્રાહકોની ભીડ ઉમટી પડી છે. પહેલાં દિવસે જોરદાર બુકિંગ અને બિઝનેસને જોતાં પુષ્ય નક્ષત્રના બીજા દિવસે મંગળવારે બિઝનેસ વધવાથી આશા વધી જવા પામી છે. પુષ્ય નક્ષત્રમાં શુભ સંયોગ હોવાથી ખરીદી કરવાથી ફાયદો થતો હોવાથી તે જ નક્ષત્રોમાં ખરીદી કરે છે.

આ વખતે 21 અને 22 ઑક્ટોબર એમ બંને દિવસે પુષ્ય નક્ષત્રનું મહામૂહુર્ત છે. આપણે ત્યાં આ દિવસોમાં ખરીદી કરવાને શુભ માનવામાં આવે છે.આ વર્ષે પુષ્ય નક્ષત્ર સોના, ચાંદી, વાસણો, જમીન, મકાનોની ખરીદી માટે 23 કલાક અને સાત મિનિટનો રહેશે. સોમવારે, જ્યાં સોમ પુષ્ય સાથે સાધ્ય યોગ થશે અને 22 ને મંગળવારે, ભૌમ પુષ્ય પર સર્વાર્થસિદ્ધિ સંયોગ થશે.

22 ઓક્ટોબરે મંગળવાર છે, આ દિવસે પુષ્ય નક્ષત્ર હોવાના કારણે વર્ધમાન યોગ બની રહ્યો છે. મંગળવારે મકાન, સજાવટની ચીજો કે સોફા, વાહન વગેરે ખરીદી શકાય છે. આ શુભ યોગમાં રોકાણ કરવાથી પણ ધનની વૃદ્ધિ થાય છે.

નવા વાહનો અને ઈલેક્ટોનિક્સમાં ખરીદી
દિવાળીના તહેવાર પૂર્વે નાણાંકીય છૂટ થતા લોકો ટુ વ્હીલર અને ફોરવ્હીલર વાહનોની ખરીદી ચાલુ કરી દેતા ઓટો સેક્ટરમાં ઉત્સાહ જોવા મળી રહ્યો છે. ફોર વ્હીલરમાં એસયુવી,સેદાનની ખરીદી વધારે જોવા મળી રહી છે. ઉપરાંત ટુ વ્હીલરના વાહનો પણ લોકો ખરીદી રહ્યા છે. સામાન્ય રીતે લોકો વર્ષના પ્રથમ માસમાં વાહનોની ખરીદી કરતા હોય છે.જયારે વર્ષના અંતમાં ખરીદી કરવાનું ટાળતા હોય છે. આ વખતે વર્ષના અંત વખતે ખરીદી નીકળી છે.