IPO: 100 રૂપિયાનો શેર 199.50 પર થયો લિસ્ટ, એક દિવસમાં ડબલ થઈ ગયા ઈન્વેસ્ટરોના રૂપિયા

Shri balaji valve components IPO: સ્ટીલ પ્રોડક્ટ્સ બનાવનારી કંપની શ્રી બાલાજી વોલ્વ કમ્પોનેન્ટ્સ લિમિટેડના શેરનું ધમાકેદાર લિસ્ટિંગ થયું છે. કંપનીના શેર આઈપીઓ પ્રાઇઝથી ડબલ થઈ ગયા. તેના કારણે પ્રથમ દિવસે આઈપીઓ ઈન્વેસ્ટરોને જોરદાર ફાયદો થયો છે. કંપનીના શેર બમ્પર લિસ્ટિંગ બાદ અપર સર્કિટમાં લોક થઈ ગયા અને 199.50 રૂપિયા પર પહોંચ્યા હતા. આ તેની 100 રૂપિયા ઈશ્યૂ પ્રાઇઝના મુકાબલે આશરે 99.5 ટકા વધુ છે. 

કંપનીનો આઈપીઓ સંપૂર્ણ રીતે નવા શેરનો હતો અને તે હેઠળ 21.6 લાખ શેર વેચાણ માટે રાખવામાં આવ્યા હતા. કંપનીએ પોતાના આઈપીઓ દ્વારા 21.60 કરોડ રૂપિયા ભેગા કર્યાં છે. 

શ્રી બાલાજી વોલ્વ કમ્પોનેન્ટ્સે જણાવ્યું કે આઈપીઓથી પ્રાપ્ત રકમનો ઉપયોગ કંપની એક્સ્ટ્રા પ્લાન્ટ્સ અને મશીનો લગાવવા, વર્કિંગ કેપિટલની જરૂરીયાત પૂરી કરવા અને બીજા સામાન્ય કોર્પોરેટ ઉદ્દેશ્યો પૂરા કરવા માટે કરશે. પુણેના મુખ્યાલયવાળી આ કંપની પાવર, કંસ્ટ્રક્શન, ઓયલ એન્ડ ગેસ અને ફાર્મા ઈન્ડસ્ટ્રી વગેરે માટે વાલ્વ કમ્પોનેન્ટ્સ બનાવે છે. 

આ પણ વાંચોઃ આ 2 PSU Stocks માં થશે જોરદાર કમાણી, 2024માં રી-રેટિંગ માટે તૈયાર, ખરીદીની સલાહ

SBVCL  છેલ્લા ત્રણ વર્ષમાં જર્મની, સિંગાપુર, તાઇવાન, ઇટલી, દક્ષિણ આફ્રિકા, સંયુક્ત રાજ્ય અમેરિકા, યુનાઇટેડ કિંગડમ, કતર અને અમેરિકાને પોતાની પ્રોડક્ટ્સ એક્સપર્ટ કરી છે. કંપનીનું કહેવું છે કે ગ્રાહકોની જરૂરીયાતને સમજવા અને શાનદાર ડિઝાઇનની પ્રોડક્ટ બનાવવાની ક્ષમતાને કારણે તેની પ્રગતિ થઈ છે.