કોઈને 1000 તો કોઈને મળ્યા 80 હજાર રૂપિયા, ગૂગલ પેના એકાઉન્ટમાં ધનવર્ષા, શું તમે ચેક કર્યુ કે નહીં

નવી દિલ્લી: ગૂગલ પેના ગ્રાહકોનો તે સમયે ખુશીનો પાર ન રહ્યો જ્યારે તેમના ખાતામાં લગભગ 80 હજાર રૂપિયા સુધી પૈસા કંપની દ્વારા જમા કરાવી દેવામાં આવ્યા. જોકે તેમની આ ખુશી બહુ લાંબો સમય સુધી ટકી શકી નહીં. કેમ કે કંપનીએ થોડી જ વારમાં આ તમામ પૈસા પાછા લઈ લીધા. મહત્વનું છેકે કેટલાંક ગ્રાહકોના બેંક એકાઉન્ટમાં Google-Pay એ ટેક્નિકલ ખામીને કારણે કેટલાક યુઝર્સને 10 અમેરિકી ડોલરથી લઈને 1000 અમેરિકી ડોલર એટલે કે આશરે 818 રૂપિયાથી 81 હજાર રૂપિયા ટ્રાન્સફર કર્યા, જેના વિશે લોકોએ સોશિયલ મીડિયા પ્લેટફોર્મ Twitter પર ખુશી પણ વ્યક્ત કરી હતી. 

ટ્વિટર યુઝર્સે સ્ક્રીનશોટ શેર કરીને ખુશી વ્યક્ત કરી હતી
એક વિદેશી પત્રકાર મિશાલ રહેમાને સ્ક્રીનશોટ શેર કરતા ટ્વિટર પર ખુશી વ્યક્ત કરી હતી. તેણે ટ્વીટ દ્વારા કહ્યું, 'એવું લાગે છે કે Google Pay અત્યારે રેન્ડમ યુઝર્સને ફ્રી પૈસા આપી રહ્યું છે. મેં હમણાં જ Google Pay ખોલ્યું અને જોયું કે મારી પાસે "રિવર્ડ"માં 46 ડોલર છે. તેણે ગૂગલ પેના બીજા યૂઝર્સ માટે તેને ચેક કરવાનો ઉપાય પણ બતાવ્યો.