Stock Market Crash: શેર બજારમાં કડાકો, સેન્સેક્સ 1000 પોઈન્ટ તૂટ્યો છતાં આ શેર તેજીમાં; નિફ્ટી પણ ડાઉન

Stock Market Updates: ગ્લોબલ માર્કેટથી મળી રહેલા ખરાબ સંકેતથી દેશના ઘરેલું શેર માર્કેટ અઠવાડિયાના છેલ્લા કારોબારી દિવસે લાલ નિશાન સાથે ખુલ્યું હતું. કારોબારી સત્રના અંતમાં શરે માર્કેટ ભારે ઘટાડા સાથે બંધ થયું હતું. સેન્સેક્સ તેમજ નિફ્ટી બંનેમાં દિવસભર વેચાણનો માહોલ જોવા મળ્યો હતો અને લાલ નિશાન સાથે કારોબાર કર્યો હતો. આ પહેલા ચાર સત્રના ઘટાડા બાદ ગુરૂવારના શેર માર્કેટમાં તેજી આવી હતી.

સેન્સેક્સ અને નિફ્ટીનું લો લેવલ
કોરોબારી સત્રના અંતમાં 30 પોઇન્ટવાળા સેન્સેક્સ 1016.84 પોઈન્ટ ઘટી 54,303.44 પોઈન્ટ પર બંધ થયો. આ ઉપરાંત 276.30 નિફ્ટી ઘટી 16,201.80 ના સ્તર પર પહોંચ્યો હતો. શુક્રવારના કારોબારી સત્ર દરમિયાન સેન્સેક્સ 54,205.99 ના લો લેવલ પર પહોંચ્યો હતો. આ રીતે નિફ્ટી પણ 16,172.60 ના સ્તરે ગયો હતો.

આ રહ્યા નિફ્ટીના ટોપ લૂઝર્સ
નિફ્ટીના ટોપ લૂઝર્સમાં કોટક બેંક, એચડીએફસી, બજાજ ફાઈનાન્સ, હિંડાલ્કો અને રિલાયન્સ રહ્યા. ટોપ ગેનર્સમાં એશિયન પેન્ટ, ગ્રાસિમ, અપોલો હોસ્પિટલ, નેસ્લે ઇન્ડિયા અને ટાટા કન્ઝ્યુમર પ્રોડક્ટ રહ્યા.

સેન્સેક્સના 5 શરે તેજીમાં
કોરોબારના અંતમાં સેન્સેક્સના 30 માંથી માત્ર 5 શેરમાં તેજી જોવા મળી. જે શેરમાં તેજી જોવા મળી તેમાં એશિયન પેન્ટ, નેસ્લે ઇન્ડિયા, ડો રેડ્ડી, અલ્ટ્રાટેક સીમેન્ટ અને એક્સિસ બેંક રહ્યા. આ પહેલા શુક્રવારના સવારે શેર બજારની શરૂઆત ભારે ઘટાડા સાથે થઈ હતી.