નવી દિલ્હીઃ દુનિયાના અનેક દેશોમાં મંદીનો દૌર ચાલી રહ્યો હોય તેવું લાગી રહ્યું છે. કારણ કે દિગ્ગજ કંપનીઓ પોતાની કંપનીઓમાંથી હજારોની સંખ્યામાં કર્મચારીઓની છંટણી કરી રહી છે. ટ્વિટર, મેટા અને એમઝોન બાદ વધુ એક ટેક કંપની સિસ્કોએ પોતાના કર્મચારીઓની છટણીનું એલાન કર્યું. કંપનીએ પોતાના 5 ટકા એટલે કે 4000થી વધુ કર્મચારીઓની છટણી કરવા જઈ રહી છે. સિલિકોન વેલી બિઝનેસ જર્નલ મુજબ સિસ્કો પાસે હાલમાં લગભગ 83,000 કર્મચારીઓ છે જેમાંથી કંપની લગભગ 4100 કર્મચારીઓની છટણી કરવાની તૈયારી કરી રહી છે. આ છટણી રાઈટ ટુ બિઝનેસ રિબેલેન્સિંગ એક્ટ હેઠળ કરવામાં આવી રહી છે.


COMMERCIAL BREAK
SCROLL TO CONTINUE READING

અત્યાર સુધી, કંપનીના પ્રમુખ અને મુખ્ય કાર્યકારી અધિકારી, ચક રોબિન્સે, છટણી વિશે કોઈ ચોક્કસ માહિતી આપી નથી. જ્યાં સુધી અમે સક્ષમ ન થઈએ ત્યાં સુધી અમે વધુ વિસ્તરણ કરવા ઈચ્છતા નથી, એમ તેમણે ઉમેર્યું. આપણે જે કરી રહ્યા છીએ તે આપણો અધિકાર છે. સિસ્કોના ચીફ ફાયનાન્સિયલ ઓફિસર સ્કોટ હેરેને આ પગલાને "પુનઃસંતુલન" અધિનિયમના ભાગ રૂપે વર્ણવ્યું હતું. આ સપ્તાહે તેના પ્રથમ ત્રિમાસિક કમાણી અહેવાલ (Q1 2023)માં, સિસ્કોએ $13.6 બિલિયનની આવક નોંધાવી છે, જે ગયા વર્ષ કરતાં 6 ટકા વધુ છે.


આ ટેક કંપનીઓમાં થઈ રહી છે સૌથી વધુ છટણી-


  • ટ્વિટર- કંપનીએ તેના લગભગ 50 ટકા કર્મચારીઓની છટણી કરી. લગભગ 3700 લોકોની છટણી કરવામાં આવી છે.

  • મેટા- મેટામાંથી લગભગ 11,000 કર્મચારીઓને છૂટા કરવામાં આવશે.

  • એમઝોન- 10,000 કર્મચારીઓને નોકરી જશે. 

  • નેટફ્લિક્સ - 500 કર્મચારીઓને બરતરફ કરવામાં આવ્યા.

  • L&T- કંપનીએ કર્મચારીઓની સંખ્યામાં 5 ટકાનો ઘટાડો કર્યો.

  • ટેક મહિન્દ્રા - લગભગ 1.4 ટકા હેડકાઉન્ટમાં ઘટાડો કર્યો.

  • વિપ્રો- કર્મચારીઓ પરના ઊંચા ખર્ચને કારણે 6.5% કર્મચારીઓમાં ઘટાડો કર્યો.

  • સ્નેપચેટ- સ્ટોકમાં 40 ટકાના ઘટાડાને કારણે 20 ટકા છટણીની તૈયારી. 1,000 કર્મચારીઓ તેમની નોકરી ગુમાવી શકે છે.

  • Shopify- કંપનીએ તેના 10 ટકા કર્મચારીઓની છટણીની જાહેરાત કરી છે. 1,000થી વધુ કર્મચારીઓ તેમની નોકરી ગુમાવી શકે છે.

  • માઈક્રોસોફ્ટ- કંપનીએ કમાણી ઘટવાના કારણે જુલાઈથી તેના લગભગ 1 ટકા કર્મચારીઓને છૂટા કર્યા છે.

  • ઈન્ટેલ- કંપની તેના 20 ટકા કર્મચારીઓની છટણી કરવાની તૈયારી કરી રહી છે.

  • સી ગેટ- કંપનીએ તેના 8 ટકા કર્મચારીઓને છૂટા કરવાની તૈયારી કરી છે. લગભગ 3,000 કર્મચારીઓ તેમની નોકરી ગુમાવી શકે છે.

  • લિફ્ટ- છેલ્લા એક મહિનામાં જ કંપનીએ તેના 13 ટકા કર્મચારીઓની છટણી કરી છે. લગભગ 700 કર્મચારીઓને નોકરીમાંથી કાઢી મૂકવામાં આવ્યા હતા.

  • સ્ટ્રાઈપ- કંપની કર્મચારીઓની સંખ્યામાં 14 ટકાનો ઘટાડો કરવાની તૈયારી કરી રહી છે, જેના કારણે લગભગ 1,120 કર્મચારીઓનું નુકસાન થશે.

  • ઓપનડોર- કંપની તેના 18 ટકા કર્મચારીઓને છૂટા કરવાની તૈયારી કરી રહી છે, જેનાથી 550 કર્મચારીઓને અસર થશે.


લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube