ધનતેરસ પર સોનું ખરીદવું છે પણ પૈસા ઓછા છે, જ્વેલર્સમાં ગયા વિના આ રીતે સસ્તામાં કરી લો ખરીદી

Digital Gold: ભારતમાં દિવાળી, ધનતેરસ જેવા તહેવારો પર સોનું ખરીદવું ખૂબ જ શુભ માનવામાં આવે છે. તહેવારોની સિઝન ચાલી રહી છે. આવી સ્થિતિમાં લોકો ભારે ખરીદી કરી રહ્યા છે. લોકો મોટાભાગે ધનતેરસના દિવસે સોનું ખરીદે છે. પરંતુ સોનાના ભાવમાં વધારાને કારણે ઘણા લોકો તેને ખરીદી શકતા નથી. હાલમાં દસ ગ્રામ સોનાની કિંમત 60 હજાર રૂપિયાની આસપાસ છે. આવી સ્થિતિમાં મધ્યમ વર્ગ અને નીચેના વર્ગના લોકો માટે સોનું ખરીદવું થોડું મુશ્કેલ છે. પરંતુ આ પછી પણ તમે ઓછા પૈસામાં સોનું ખરીદી શકો છો.

ડિજિટલ ગોલ્ડ એક વિકલ્પ છે
પહેલા લોકો તહેવારો પર સોનાના ઘરેણા, સિક્કા, બિસ્કિટ જેવી વસ્તુઓ ખરીદતા હતા. પરંતુ તેમના ખોવાઈ જવા કે ચોરાઈ જવાનો પણ ભય રહે છે. તમે ડિજિટલ ગોલ્ડમાં કોઈપણ રકમનું રોકાણ કરી શકો છો. આમાં તમે માત્ર 100 રૂપિયાથી રોકાણ શરૂ કરી શકો છો. ચાલો જાણીએ કે તમે ડિજિટલ સોનું ખરીદશો તો શું ફાયદા થશે.

ડિજિટલ સોનાના ફાયદા
ફિજિકલ સોનાની જેમ ડિજિટલ સોનાનો સંગ્રહ કરવાની જરૂર નથી. કારણ કે તે જ ડિજિટલ પ્લેટફોર્મના વોલેટમાં સુરક્ષિત રહે છે.

- ફિજિકલ સોનું ખરીદવા માટે, તમારે ઓછામાં ઓછું એક ગ્રામ સોનું ખરીદવું પડશે. પરંતુ ડીજીટલ સોનાની બાબતમાં આવું નથી. આમાં તમે જ્યારે ઇચ્છો ત્યારે એક રૂપિયાનું પણ સોનું ખરીદી શકો છો.

- તમે ગમે ત્યારે, ગમે ત્યાં ડિજિટલ સોનું ખરીદી કે વેચી શકો છો. ટ્રાન્ઝેક્શન દરમિયાન, તમે તે સમયે પ્રવર્તમાન દર પણ જાણી શકશો. ફિજિકલ સોના કરતાં ડિજિટલ સોનું ખરીદવું અને વેચવું સરળ છે.

1) ડિજિટલ સોનું ખરીદતી વખતે કઈ બાબતોનું ધ્યાન રાખવું
ડિજિટલ સોનું સરળતાથી અને ઓછી કિંમતે ખરીદી શકાય છે. આ કારણોસર લોકો ડિજિટલ સોનું ખરીદવાનું વધુ પસંદ કરી રહ્યા છે. ડિજિટલ સોનું ખરીદતી વખતે કઈ બાબતોનું ધ્યાન રાખવું જોઈએ, તે જાણો

2) શુદ્ધતા
સૌપ્રથમ ડિજિટલ સોનું ખરીદતા પહેલા રોકાણકારોએ સોનાની શુદ્ધતાની તપાસ કરવી જોઈએ. સેફગોલ્ડના પ્લેટફોર્મ પરથી ખરીદેલ સોના કરતા MMTC-PAMP પાસેથી ખરીદેલ ડિજિટલ સોનું અધિક શુદ્ધ હોવાની સંભાવના છે.

3) રૂ. 1 કરતા પણ ઓછી શરૂઆતની કિંમત
ડિજિટલ ગોલ્ડની કિંમત રૂ. 1થી શરૂ થાય છે. ડિજિટલ ગોલ્ડમાં રોકાણ કરવાથી ગ્રાહક નાના પાયે રોકાણ કરવા માટે આંશિક ભૌતિક સોનું ખરીદી શકે છે.

4)  સ્ટોરેજ
તમે જે સોનું ખરીદો છો, તે સેન્ટ્રલી સ્ટોર કરવામાં આવે છે અને તમારુ સોનું ડિજિટલ વોલેટ બેલેન્સ તરીકે દર્શાવવામાં આવે છે. તમે આ સોનાની ડિલીવરી લઈ શકો છો અથવા તમે ડાયરેક્ટ સેલ પણ કરી શકો છો.

5) GST અને અન્ય ચાર્જ
જે પ્રકારે સ્ટોર પરથી સોનાની ખરીદી પર GST ચૂકવવાનો રહે છે, તે જ રીતે ડિજિટલ ગોલ્ડની ખરીદી પર 3 ટકા GST ચૂકવવાનો રહે છે. ડિજિટલ ગોલ્ડ પ્રોવાઈડર સ્ટોરેજ કોસ્ટ, વીમો અને વધારાના અન્ય ખર્ચ માટે 2-3 ટકાનો વધારાનો ચાર્જ પણ વસૂલે છે. જો ગ્રાહક ડિજિટલ ગોલ્ડને ફિઝીકલ ગોલ્ડમાં પરિવર્તિત કરવા ઈચ્છે છે, તો તેના પર મેકિંગ ચાર્જ લગાવવામાં આવે છે. તમારા ઘર સુધી સોનું ડિલીવર કરવા માટે રોકાણકારોએ વધારાનો ચાર્જ પણ ચૂકવવાનો રહેશે.

6) મેક્સિમમ હોલ્ડિંગ પિરિયડ
ડિજિટલ ગોલ્ડ પ્રોડક્ટ્સમાં મેક્સીમમ હોલ્ડિંગ પિરિયડ હોય છે, ત્યારબાદ રોકાણકારે સોનાની ડિલીવરી લેવી પડે છે અથવા વેચી દેવું પડે છે. તમામ મરચન્ટની ડિજિટલ ગોલ્ડ માટે અલગ અલગ હોલ્ડિંગ પિરિયડ શરત હોય છે.

7) ડિજિટલ ગોલ્ડ પર ટેક્સ
ડિજિટલ હોલ્ડિંગ પિરિયડ અનુસાર રોકાણકારે ડિજિટલ ગોલ્ડ પર ટેક્સ ચૂકવવાનો રહે છે. ડિજિટલ સોનું 36 મહિના કરતા ઓછા સમય સુધી હોલ્ડ રાખવામાં આવે તો રિટર્ન પર ડાયરેક્ટ ટેક્સ લાગુ થતો નથી. ડિજિટલ ગોલ્ડથી મળતા લોન્ગ ટર્મ કેપિટલ ગેઈન પર લાગુ થયેલ સરચાર્જ અને 4 ટકા સેસ સાથે રિટર્ન પર 20 ટકા ટેક્સ ચૂકવવાનો રહે છે.

ગેરફાયદા
ડિજિટલ સોનું ખરીદવાથી કેટલાક નુકસાન પણ થઈ શકે છે. સૌથી મોટુ નુકસાન છે, કે ગોલ્ડ સ્પેસમાં નિયામક તંત્રનો અભાવ હોય છે. ગોલ્ડ ફંડ SEBIના નિયામક અધિકાર ક્ષેત્ર હેઠળ આવે છે.