India Highest Paid Singer: આ સિંગર થોડી મિનિટો માટે ના લે છે 3 કરોડ રૂપિયા ફી...,ભારતમાં સૌથી વધુ કમાણી કરનાર ગાયક કોણ છે: ઘણી વખત ફિલ્મોમાં ગાયેલા ગીતો એવા હોય છે જે તમારા હૃદયને સ્પર્શી જાય છે. ઘણી વખત ફિલ્મોની કહાની કરતાં ગીતો વધુ હિટ થઈ જાય છે. આજે અમે તમને ભારતમાં સૌથી વધુ ફી લેનાર સિંગરનું નામ જણાવીશું, જે જાણીને તમને ચોક્કસથી મોટો આંચકો લાગશે.


COMMERCIAL BREAK
SCROLL TO CONTINUE READING

જેટલી ફિલ્મોની વાર્તાઓ લોકોને વ્યસ્ત રાખે છે તેટલી જ ફિલ્મોના ગીતો પણ લોકોને તેમની સીટ પર જકડી રાખે છે. કેટલીક ફિલ્મો એવી છે જે તેમની સ્ટોરી લાઇન કરતાં તેમના ગીતોને કારણે વધુ લોકપ્રિય છે. આ ગીતોને અવાજ આપનાર ગાયકોના નસીબ પણ સમય સાથે બદલાતા રહ્યા. 60ના દાયકામાં લતા મંગેશકરે પોતાના અવાજથી લોકોને મંત્રમુગ્ધ કરીને લાંબા સમય સુધી સિનેમા જગત પર રાજ કર્યું.


તે સમયે લતા સિવાય મોહમ્મદ રફી અને મન્ના ડે એક ગીત માટે લગભગ 300 રૂપિયા લેતા હતા. પરંતુ આજે અમે તમને એક એવા સિંગર વિશે જણાવવા જઈ રહ્યા છીએ જે ભારતની સૌથી વધુ કમાણી કરનાર સિંગર બની ગયા છે. તે ફિલ્મના ગીતની થોડી મિનિટો માટે એટલા પૈસા લે છે જેની તમે કલ્પના પણ નહીં કરી શકો. ખાસ વાત એ છે કે આ સિંગર અરિજીત સિંહ, સોનુ નિગમ અને શ્રેયા ઘોષાલ નહીં પરંતુ કોઈ અન્ય છે.


ભારતની સૌથી વધુ કમાણી કરનાર ગાયક-
ભારતમાં ગીત માટે સૌથી વધુ ફી લેનાર એકમાત્ર સિંગર બીજું કોઈ નહીં પણ એઆર રહેમાન છે. હિંદુસ્તાન ટાઈમ્સમાં પ્રકાશિત અહેવાલ અનુસાર, ફિલ્મ ઈન્ડસ્ટ્રીના આંતરિક સૂત્રોનું માનીએ તો, એઆર રહેમાન એક ગીત માટે અન્ય ગાયકો કરતાં વધુ ફી લે છે. મોટાભાગે રહેમાન પોતાના રચેલા ગીતો ગાય છે. પરંતુ જો તે કોઈ બીજાના ગીતને અવાજ આપે છે તો નિર્માતા તેને તગડી ફી ચૂકવે છે.


એક ગીતની ફી 3 કરોડ રૂપિયા છે-
મીડિયા રિપોર્ટ્સનું માનીએ તો એઆર રહેમાન એક ગીત માટે લગભગ 3 કરોડ રૂપિયા ચાર્જ કરે છે. ખાસ વાત એ છે કે તે ફુલ ટાઈમ સિંગર નથી. તેઓ ગાયક હોવા ઉપરાંત સંગીતકાર અને ગીતકાર પણ છે. ખાસ વાત એ છે કે એઆર રહેમાનના અવાજથી અંબાણી પરિવાર પણ મંત્રમુગ્ધ છે. અંબાણી પરિવારે પણ રાધિકા અને અનંત અંબાણીના લગ્નના ફંક્શનમાં એઆર રહેમાન અને શ્રેયા ઘોષાલને આમંત્રણ આપ્યું હતું. જ્યાં બંનેએ સાથે મળીને 'બરસોં રે મેઘા' અને 'તેરે બિના' ગીતો રિક્રિએટ કર્યા હતા. એઆર રહેમાનના પ્રખ્યાત ગીતોમાં 'મસાકલી', 'સાન સનાનન સના', 'રાંઝના', 'જય હો', 'કુન ફાયા કુન', 'રોજા' અને 'મા તુઝે સલામ'નો સમાવેશ થાય છે.


2 ગિનિસ વર્લ્ડ રેકોર્ડ-
એઆર રહેમાનના નામે 2 ગિનિસ વર્લ્ડ રેકોર્ડ પણ છે. પહેલો રેકોર્ડ 'વંદે માતરમ' ગીતના નામે છે. તેણે આ ગીત ઘણી બધી ભાષાઓમાં ગાયું છે. બીજો રેકોર્ડ મૂળ ગીતો કંપોઝ કરવાનો છે.


અન્ય ગાયકોનો પગાર-
અહેવાલો અનુસાર, એઆર રહેમાન પછી, શ્રેયા ઘોષાલ એક ગીત માટે લગભગ 25 લાખ રૂપિયા ચાર્જ કરે છે. સુનિધિ ચૌહાણ ત્રીજા નંબર પર છે. જે 18 થી 20 લાખની આસપાસ ચાર્જ કરે છે. સૂત્રોનું માનીએ તો ચોથા નંબર પર અરિજીત સિંહ છે જે એટલી જ રકમ લે છે. જ્યારે પાંચમા નંબર પર સોનુ નિગમ છે જે એક ગીત માટે 15 થી 18 લાખ રૂપિયા ચાર્જ કરે છે.


ધર્મ બદલાઈ ગયો-
એઆર રહેમાનનો જન્મ હિન્દુ પરિવારમાં થયો હતો પરંતુ તેમના પરિવારે વર્ષ 1988માં મુસ્લિમ ધર્મ સ્વીકાર્યો હતો. જે બાદ તેણે પોતાનું નામ એએસ દિલીપ કુમારથી બદલીને અલ્લાહ રખા રહેમાન કરી દીધું. જ્યારે રહેમાને ધર્મ બદલ્યો ત્યારે તે 23 વર્ષનો હતો. તેણે બીબીસીના ટોક શોમાં ઈસ્લામ અપનાવવા અંગે ખુલીને વાત કરી હતી. આ ઈન્ટરવ્યુમાં તેણે કહ્યું હતું કે એક સૂફીએ તેના પિતાની સારવાર કરી હતી અને થોડા વર્ષો પછી જ્યારે તેઓ તેમને મળ્યા ત્યારે તેઓ તેમની વાતોથી પ્રભાવિત થઈને ઈસ્લામ ધર્મ અપનાવી લીધો.