કંગનાના બાઉન્સર પર આલિયાની સિક્સર, મોટું નિવેદન આપતા કહ્યું કે...

મુંબઈ : કંગના રનૌત થોડા દિવસ પહેલાં રણબીર કપૂર, રણવીર સિંહ અને આલિયા ભટ્ટ પર બહુ ભડકી હતી. તેણે ત્રણેય એક્ટર્સના દેશના રાજકારણ માટે ગેરજવાબદાર અભિગમની બહુ ટીકા કરી હતી. હવે કંગનાની આ કમેન્ટ પર આલિયા ભટ્ટનું રિએક્શન આવ્યું છે. હાલમાં એક ઇન્ટરવ્યૂ દરમિયાન આલિયાએ કહ્યું છે કે ''મારી અંદર કંગનાની જેમ બેધડક નિવેદન આપવાની ક્ષમતા નથી. જોકે કંગનાની નીડરતા માટે મને માન છે. તે એક રીતે સાચી પણ છે. કંગના ખરેખર સારું બોલે છે પણ હું મારા વિચારો મારા સુધી મર્યાદિત રાખવામાં જ માનું છું.''

આલિયાની કરિયરની વાત કરીએ તો ફેબ્રુઆરીમાં તેની ગલી બોય રિલીઝ થઈ હતી જેમાં તેની એક્ટિંગના ભારે વખાણ થયા હતા. આ વર્ષે આલિયાની બ્રહ્માસ્ત્ર અને કલંક જેવી બે મોટી ફિલ્મો રિલીઝ થવાની છે.