અભિષેકે પોસ્ટ કરી તેના પરિવારની જલપરીઓની તસવીર, સ્વિમિંગ પુલમાં ગજબની ધમાલ

મુંબઈ : બોલિવૂડના ફેવરિટ કપલમાંથી એક અભિષેક બચ્ચન અને ઐશ્વર્યા રાયે 12 વર્ષ પહેલાં લગ્ન કર્યા હતા. 2007માં અભિષેક અને ઐશ્વર્યાએ લગ્ન કર્યા હતા અને 4 વર્ષ પછી તેમની દીકરી આરાધ્યાનો જન્મ થયો હતો. હાલમાં અભિષેક અને ઐશ્વર્યા લગ્નની 12મી એનિવર્સરી સેલિબ્રેટ કરવા માટે માલદિવ્સ ગયા છે અને છેલ્લા કેટલાક સમયથી સોશિયલ મીડિયા પર તસવીરો શેયર કરી રહ્યા છે. 

અભિ અને એશ દીકરી સાથે વેકેશન માણી રહ્યા છે ત્યારે હાલમાં અભિષેકે પોતાના ઇન્સ્ટાગ્રામ એકાઉન્ટ પર ઐશ્વર્યા અને આરાધ્યાની ખૂબસુરત તસવીર શેયર કરી છે. આ તસવીરમાં ઐશ્વર્યા અને આરાધ્યા રિસોર્ટના સ્વિમિંગ પુલમાં હળવાશભરી પળો માણતા ક્લિક થયા છે. આ તસવીર સાથે અભિષેકે કેપ્શન લખ્યું છે કે હેપ્પીનેસ...માય ગર્લ્સ.