અભિષેક બચ્ચનની ફિલ્મ 'આઈ વોન્ટ ટુ ટોક' એક હિંમતવાળા પિતાની કહાની છે. ફિલ્મ બાદ તેણે બાળકોના જીવનમાં માતા અને પિતાની ભૂમિકા વિશે વાત કરી. આ વચ્ચે તેણે પોતાના માતા જયા બચ્ચન અને પત્ની એશ્વર્યાની પ્રશંસા કરી છે. સાથે તે પણ કહ્યું કે પિતા પણ બાળકો માટે ઘણું કરે છે પરંતુ તેને તે વસ્તુ વ્યક્ત કરતા આવડતી નથી. 


COMMERCIAL BREAK
SCROLL TO CONTINUE READING

પિતાની ખોટ ન પડી
અભિષેકની ફિલ્મ બોક્સ ઓફિસ પર ભલે વધુ કમાણી ન કરી શકી, પરંતુ તેની એક્ટિંગની લોકો પ્રશંસા કરી રહ્યાં છે. એક અખબાર સાથે વાતચીતમાં તેણે પોતાના માતા અને એશ્વર્યાની પ્રશંસા કરી. તેણે કહ્યું- જ્યારે મારો જન્મ થયો તો માતાએ એક્ટિંગ બંધ કરી દીધી હતી. કારણ કે તે પોતાના બાળકો સાથે સમય પસાર કરવા ઈચ્છતી હતી. અમને પિતા આસપાસ ન હોવાની ખોટ ક્યારેય ન પડી. મને લાગે છે કે કામ સમાપ્ત કર્યા બાદ તે રાત્રે ઘરે આવતા હતા. 


એશ્વર્યાનો માન્યો આભાર
અભિષેક એશ્વર્યા માટે બોલ્યો 'મારા ઘર પર હું ભાગ્યશાળી છું કે બહાર જઈને ફિલ્મો કરી શકું છું પરંતુ જાણું છે કે એશ્વર્યા ઘર પર આરાધ્યાની સાથે છે. આ વાત માટે હું તેનો આભારી છું પરંતુ મને નથી લાગતું કે બાળકો આ વાતને તે રીતે જુએ છે. તે તમને થર્ડ પર્સનના રૂપમાં નહીં પરંતુ ફર્સ્ટ પર્સનના રૂપમાં જુએ છે.'


આ પણ વાંચોઃ તલાક બાદ A R Rahman ના અફેરની અફવા ઉડી તો ભડકી પત્ની, વાતો કરનારાઓને આપ્યો જવાબ


બેકગ્રાઉન્ડમાં રહે છે પિતા
અભિષેક બોલ્યો- પેરેન્ટ હોવાને નાતે તમે તમારા બાળકોને ખુબ પ્રેરણા આપો છો. બાળકો માટે તમે એક પગથી પહાડ પણ ચડી જશો. હું આ વાત માતાઓ અને મહિલાઓ માટે ખુબ સન્માન સાથે કહી રહ્યો છું કારણ કે તે જે કરે છે તે કોઈ ન કરી શકે પરંતુ એક પિતા આ બધુ કરે છે પરંતુ ચૂપચાપ કારણ કે તેને ખબર નથી કે વ્યક્ત કઈ રીતે કરી શકાય. આ પુરૂષોની કમી છે. ઉંમરની સાથે બાળકોને ખબર પડે છે કે તેના પિતા કેટલા બેસ્ટ છે. ભલે તે બેકગ્રાઉન્ડમાં રહ્યાં પરંતુ હંમેશા સાથે હતા. 


અમિતાભની કરી પ્રશંસા
અભિષેકે જણાવ્યું કે બાળપણમાં તે પોતાના પિતાને સપ્તાહ સુધી નહોતા જોઈ શકતા. આટલા વ્યસ્ત હોવા છતાં મને એકપણ અનુઅલ ડે કે બાસ્કેટબોલ ફાઈનલ યાદ નથી જે તેમણે મિસ કરી હોય.