#MeTooની જોરદાર ઈફેક્ટ, ‘હાઉસફુલ-4’માંથી સાજિદ ખાન બાદ હવે નાના પણ OUT
શુક્રવારે જ અક્ષય કુમારે આ જાહેરાત કરી હતી કે, તેઓ આવી ઘટનાઓને અંજામ આપનારી આવી કોઈ પણ વ્યક્તિ સાથે કામ નહિ કરે. અક્ષયે પોતાના નિવેદનમાં કહ્યું કે, હું ગત રાત્રે જ દેશમાં પરત ફર્યો છું, અને જે સમાચાર વાંચ્યા છે તે બહુ જ હેરાન કરી દે તેવી માહિતી છે.
અક્ષય કુમારની મલ્ટી સ્ટારર ફિલ્મ હાઉસફુલ-4 છેલ્લાં કેટલાક દિવસોથી ચર્ચામાં આવી છે. યૌન શોષણના આરોપોને પગલે જ્યાં એક દિવસ પહેલા જ ડાયરેક્ટર સાજિદ ખાન આ ફિલ્મથી દૂર થયો હતો. ત્યારે હવે નાના પાટેકરે પણ આ આરોપોને પગલે ફિલ્મ છોડી દીધી છે. ફિલ્મની ટીમ દ્વારા જાહેર કરાયેલા નિવેદન અનુસાર, નાનાસાહેબ નથી ઈચ્છતા કે તેમના પર લાગેલા ખોટા આરોપોને પગલે કોઈને પણ તકલીફ થાય. આ જ કારણે તેમણે ફિલ્મ હાઉસફુલથી પોતાને દૂર કર્યાં છે.
#MeTooની ઝપેટમાં આવ્યા બોલિવુડના મહાનાયક અમિતાભ બચ્ચન, સપના ભાવનાનીએ કર્યા ટાર્ગેટ