આ દિવસે રિલીઝ થશે Ajay Devgn ની ફિલ્મ `ભુજ ધ પ્રાઇડ ઓફ ઈન્ડિયા`

નવી દિલ્હીઃ જો તમે અજય દેવગનના (Ajay Devgn) ફેન્સ છો તો તમારા માટે ખુશખબર છે. એક્ટરની એક ફિલ્મની રિલીઝ ડેટ જાહેર કરી દેવામાં આવી છે. જેના વિશે તમે જાણીને ખુશ થઈ જશો. 

અજયની ફિલ્મની રિલીઝ ડેટ આવી સામે
'ભુજ ધ પ્રાઇડ ઓફ ઈન્ડિયા' (Bhuj The Pride Of India) ફિલ્મની રિલીઝ ડેટની સત્તાવાર જાહેરાત કરી દેવામાં આવી છે. ભુજ 13 ઓગસ્ટે ડિઝ્ની હોટસ્ટાર પર રિલીઝ થશે. આ ખબર સામે આવ્યા બાદ ફેન્સ ખુશ થઈ ગયા છે. કોરોના મહામારીને કારણે આ ફિલ્મ થિએટરમાં રિલીઝ કરવામાં આવી નથી. 

દમદાર રોલમાં જોવા મળશે એક્ટર
ફિલ્મની રિલીઝની જાહેરાતની સાથે એક્ટરે એક વીડિયો શેર કર્યો છે, જેમાં તોપોના અવાજની સાથે કેટલાક યુદ્દના સીન દેખાડવામાં આવ્યા છે. આ સાથે ફિલ્મના બધા કલાકારોનો પરિચય કરાવવામાં આવ્યો છે. આ વીડિયોને ફિલ્મનું ટીઝર કહી શકાય છે. વીડિયોના અંતમાં અજય દેવગન અને બધા સ્ટાર્સના લુકને પણ રિલીઝ કરવામાં આવ્યો છે.