અમિતાભ બચ્ચન થયા આ ખાસ એવોર્ડથી સન્માનિત, ક્રિસ્ટોફર નોલનનો માન્યો આભાર

નવી દિલ્હી: બોલિવૂડના મેગાસ્ટાર (Bollywood Megastar) અમિતાભ બચ્ચનને (Amitabh Bachchan) ફિલ્મોમાં 5 દાયકાથી વધારે સમય થઈ ગયો છે. એક્ટરે પોતાના અભિનય અને કલાના માધ્યમથી દેશનું નામ દુનિયાભરમાં ગર્વથી ઉચું કર્યું છે. એક્ટરને ઘણા બાધા એવોર્ડથી (Awards) નવાજવામાં આવ્યા છે. હવે એક્ટરને ફરી એકવાર વિશ્વ સ્તર પર નવાજવામાં આવ્યા છે.

અમિતાભ બચ્ચનને (Amitabh Bachchan) 2021 FIAF એવોર્ડથી સન્માનિત કરવામાં આવ્યા છે. તેમને ક્રિસ્ટોફર નોલન અને માર્ટિન સોર્સેસે દ્વારા આ એવોર્ડ આપવામાં આવ્યો છે. અમિતાભ બચ્ચને આ સન્માન મળ્યા બાદ ખુબ જ ખુશી અનુભવી રહ્યા છે. તેમણે સોશિયલ મીડિયા પર ક્રિસ્ટોફર નોલન અને માર્ટિનનો આભાર માન્યો છે અને એવોર્ડ સાથે પોતાનો ફોટો શેર કર્યો છે.