વેલેન્ટાઇન્સ ડેના દિવસે અનૂપ જલોટાએ આપી દીધું મોટું નિવેદન, જાણીને મોં રહી જશે ખુલ્લું

મુંબઈ : રિયાલિટી શોમાં બિગ બોસમાં અનૂપ જલોટાની લવસ્ટોરી ચર્ચાનો મુદ્દો બની હતી. આ વખતે અનૂપ જલોટાનો વેલેન્ટાઇન્સ ડે ખાસ રહ્યો છે. આ વખતે તેઓ ખાસ આલબમ લઈને આવી રહ્યા છે જે વેલેન્ટાઇન્સ ડેના દિવસે લોન્ચ થયું છે. આ આલબમમાં અનુરાધા પોંડવાલ સહિત અનેક ગાયકોએ ગીત ગાયા છે. 

ઝી મીડિયા સાથેની વાતચીતમાં અનૂપ જલોટાએ કહ્યું છે કે તેઓ રોજ વેલેન્ટાઇન્સ ડે સેલિબ્રેટ કરે છે. વર્ષમાં પ્રેમ માટે માત્ર એક દિવસ નથી હોતો પણ દરેક વ્યક્તિએ રોજ પ્રેમનો દિવસ ઉજવવો જોઈએ. મેં મારા જીવનમાં વેલેન્ટાઇન્સ ડે ખાસ રીતે જ સેલિબ્રેટ કર્યો છે. મેં મારી પત્ની મેઘા સાથે આ દિવસ અલગઅલગ દેશોમાં ઉજવ્યો છે. 

શું તેઓ આ વર્ષે જસલીન સાથે વેલેન્ટાઇન્સ ડે સેલિબ્રેટ કરી રહ્યા છે? આ સવાલનો જવાબ આપતા અનૂપ જલોટાએ કહ્યું છે કે હું જસલીન સાથે શું કામ આ દિવસ ઉજવું? હું તો તેના માટે છોકરો શોધી રહ્યો છું અને બહુ જલ્દી તેના લગ્ન કરી દઈશ. આમ, અનૂપ અને તેની લવસ્ટોરી ભલે ફેમસ થઈ ગઈ હોય પણ હકીકત અલગ જ છે.