Video: ખુબ જ ધમાકેદાર છે અનુજ-અનુપમાની પહેલી મુલાકાત, હાથ પકડીને કહેશે એવી વાત...વનરાજનું લોહી ઉકળી જશે

નવી દિલ્હી: ટીવી સિરિયલ અનુપમામાં એક મોટો ટ્વિસ્ટ આવવાનો છે. શોમાં એક નવા પાત્રની ધમાકેદાર એન્ટ્રી થઈ છે. નવી એન્ટ્રી થતા પહેલા જ શો મેકર્સે ખુબ હાઈપ ક્રિએટ કર્યો. અનુપમાની લાઈફ હવે સંપૂર્ણ રીતે બદલાઈ જશે. જ્યારે કાવ્યા-વનરાજને ખુબ શોક લાગશે. અનુજ કાપડિયા એક મોટા બિઝનેસમેનની ભૂમિકામાં જોવા મળશે જે અનુપમાનો જૂનો મિત્ર પણ છે. મેકર્સે ગૌરવ ખન્નાવાળો પ્રોમો રિલીઝ કરી દીધો છે. આ પ્રોમોમાં અનુપમા અને અનુજની પહેલી મુલાકાતની ઝલક જોવા મળી રહી છે. બંને પોતાના કોલેજના ફંકશનમાં જોવા મળશે. અહીં અનુપમા અનુજને ઓળખી નહીં શકે.

વનરાજ-કાવ્યાની ડીલ થાય છે ફેલ
અત્યાર સુધી તમે જોયું કે વનરાજ અને કાવ્યા ઘરની ડીલ ફાઈનલ કરવા માટે નીકળે છે પરંતુ અનુજ કાપડિયા સાથે તેની મુલાકાત થઈ શકતી નથી. મેનેજરને મળીને જ પાછા ફરવું પડે છે. ઘરે પાછા ફરીને ખબર પડે છે કે તે ડીલ ક્રેક કરી શક્યા નથી. આ કારણે એક નવી મુસિબત પેદા થાય છે કારણ કે કાવ્યા રાખી દવેને પહેલેથી ચેક આપી ચૂકી છે. જે હવે બાઉન્સ થવાનો છે. આવામાં કાવ્યાની ભૂલ બધાને ભારે પડવાની છે. આગળ તમે જોશો કે કાવ્યા અનુપમા પર ભડકશે અને તે રાખીની પાસે જઈને ચેક લાવવાનું કહેશે. આ વખતે અનુપમા આમ કરવાની ના પાડી દેશે. તે કહેશે કે કાવ્યાની  ભૂલ છે અને તે જ તેનો ઉકેલ લાવે. 

દેવિકા આપશે અનુપમાને સરપ્રાઈઝ
કાવ્યાનું મોં જોવા લાયક રહેશે. આ બધા વચ્ચે કિંજલ આવશે અને તે બધાને જણાવશે કે તેણે તમામ પરેશાનીઓનો ઉકેલ લાવી દીધો છે. આ વાત જાણીને કાવ્યાને રાહત મળશે. અનુપમા અને વનરાજ કાવ્યાના આ નિર્ણયથી ખુશ તો નથી પરંતુ તે આભાર વ્યક્ત કરે છે. આગળ તમે જોશો કે દેવિકા ઘરે આવે છે અને અનુપમાને તેની સાથે રિયુનિયનમાં લઈ જવા માટે કહે છે. તે ખુબ એક્સાઈટેડ રહે છે. પરંતુ તેની વાત સાંભળીને વનરાજ ભડકી જાય છે. દેવિકા અનુપમાને તૈયાર થવાનું કહે છે. પણ અનુપમા ના પાડે છે.