ગે પાત્ર બાદ હવે સ્ત્રી રોગના નિષ્ણાત બનશે આયુષ્માન ખુરાના! આ અભિનેત્રી સાથે કરશે રોમાન્સ

નવી દિલ્હી: બોલીવુડ સુપરસ્ટાર આયુષ્માન ખુરાના (Ayushmann khurrana) હાલ પોતાની ફિલ્મ 'શુભ મંગલ જ્યાદા સાવધાન (Shubh Mangal Zyada Saavdhan)'ની સફળતાની ઉજવણી કરવામાં આવી રહી છે. ફિલ્મમાં આયુષ્માને એક ગે છોકરાનું પાત્ર ભજવ્યું છે.  આ પહેલાં તે એક સમયે સ્પર્મ ડોનર, આંધળા મ્યૂઝિશિયન, તો ક્યારેક લેડી કોલર તો ક્યારેક ટકલાના રૂપમાં દિલ જીતી ચૂક્યા છે. તો બીજી તરફ સમાચાર આવ્યા છે કે આયુષ્માન ખુરાના (Ayushmann khurrana) એક નવા પ્રકારનું પાત્ર ભજવવા માટે તૈયાર છે. 

અમારી સહયોગી વેબસાઇટ બોલીવુડ લાઇફ ડોટ કોમમાં પ્રકાશિત સમાચાર અનુસાર આયુષ્માન ખુરાના (Ayushmann khurrana)એ પોતાના આગામી પ્રોજેક્ટને પણ સાઇન કરી લીધો છે. તે પોતાની આગામી ફિલ્મમાં ગાયનેકોલોજિસ્ટના રોલમાં જોવા મળશે. ફિલ્મની કહાની સોશિયલ કોમેડી હશે, જેનું નામ સ્ત્રી રોગ વિભાગ હશે. આયુષ્માન ખુરાના (Ayushmann khurrana) જંગલી પિક્ચર સાથે હશે. 

આ ફિલ્માં આયુષ્માન ખુરાના (Ayushmann khurrana) ગાયનેકોલોજિસ્ટના રોલમાં જોવા મળશે. ફરી એકવાર ફિલ્મની કહાની સોશિયલ કોમેડી હશે. પરંતુ આ ફિલ્મની વધુ એક ખાસિયત હશે તેની અભિનેત્રી, કારણ કે આ ફિલ્મમાં આયુષ્માન ખુરાના (Ayushmann khurrana) સાથે અલાયા ફર્નીચરવાલા જોવા મળશે. અલાયાએ તાજેતરમાં જ ફિલ્મ જવાની જાનેમન વડે ડેબ્યૂ કર્યું છે.