#ArrestJubinNautiyal: બોલીવુડ સિંગર જુબિન નૌટિયાલની ધરપકડની માંગ, જાણો શું છે આ પાછળ કારણ

Jubin Nautiyal Troll on Twitter: બોલીવુડના જાણીતા સિંગર જુબિન નૌટિયાલે એકથી એક શાનદાર હિટ નંબર્સ ગીતો ગાયા છે. જેમાં 'દિલ ગલતી કરત બેઠા હૈ', 'તુમ હી આના', 'લુટ ગએ', 'બેવફા તેરા માસૂમ ચેહરા', 'તારો કે શહેર' અને 'રાતા લંબિયા' આ ઉપરાંત ઘણા હિટ ગીતો ગાયા છે. આ ગીતોને લઇને લોકોના દિલોમાં જગ્યા બનાવનાર જુબિન નૌટિયાલ એક મુશ્કેલીમાં મુકાયો છે. જુબિનનો ટુક સમયમાં યુએસમાં કોન્સર્ટ થવાનો છે. પરંતુ કોન્સર્ટના થોડા દિવસ પહેલા સોશિયલ મીડિયા પર જુબિનને ટ્રોલ કરવામાં આવી રહ્યો છે. જેના પાછળનું કારણ જુબિન નૌટિયાલના કોન્સર્ટના આયોજકમાં સામેલ એક શખ્સનું નામ છે.

23 સપ્ટેમ્બરના યુનાઈટેડ સ્ટેટ્સમાં છે કોન્સર્ટ
જુબિન નૌટિયાલની સોશિયલ મીડિયા પર એક પોસ્ટ વાયરલ થઈ રહી છે. આ પોસ્ટમાં જુબિનના અપકમિંગ કોન્સર્ટ જે 23 સપ્ટેમ્બરના છે તેની જાણકારી લખી છે. આ પોસ્ટરને રેહાન સિદ્દીકી નામના શખ્સે ટ્વિટર પર શેર કરી છે. આ પોસ્ટરને શેર કરતા લખ્યું છે- મારા ફેવરેટ સિંગર હોસ્ટન આવી રહ્યા છે. ગ્રેટ જોબ જય સિંહ. તમારા શાનદાર પ્રેઝનટેશનની રાહ જોઈ રહ્યા છીએ. આ ટ્વીટના કેપ્શનમાં જય સિંહ નામના કારણે જુબિન નૌટિયાલને ટ્રોલ કરવામાં આવી રહ્યો છે.

આ પણ વાંચો:- Twitter લાવ્યું ધમાકેદાર ફીચર, Tweet કરતા જ Instagram અને Snapchat પર આપોઆપ થશે પોસ્ટ

આખરે કોણ છે જય સિંહ
જય સિંહ વોન્ટેડ છે જેની શોધ ચંડીગઢ પોલીસ છેલ્લા 30 વર્ષથી કરી રહી છે. જય સિંહ ઉપર વીડિયો પાઈરેસી અને ડ્રગ્સ તસ્કરીનો આરોપ છે. જય મુખ્ય રીતે પંજાબનો રહેવાસી છે પરંતુ હવે યુએસમાં રહી રહ્યો છે.

અરેસ્ટ જુબિન નૌટિયાલ થઈ રહ્યું છે ટ્રેન્ડ
વોન્ટેડ જય સિંહના જુબિન નૌટિયાલના કોન્સર્ટમાં સામેલ થવાના કારણે જુબિનને સોશિયલ મીડિયા પર ટ્રોલ કરવામાં આવી રહ્યો છે. સાથે જ પણ #ArrestJubinNautiyal ટ્રેન્ડ થઈ રહ્યું છે.

આ પણ વાંચો:- ખુશાલ રિલેશનશીપ લાગી રહ્યું છે ગ્રહણ, નજરઅંદાજ ના કરો આ વાતો

ઋતિક રોશન નામના એક યુઝરે સોશિયલ મીડિયા પર જુબિનના આ પોસ્ટરને શેર કરતા લખ્યું- 'આ બોલીવુડનો અસલી ફેસ છે' #ArrestJubinNautiyal