Box Office Collection : કેસરિયા થઈ ગઈ અક્ષય કુમારની હોળી, `કેસરી`ને મળ્યું ધમાકેદાર ઓપનિંગ

નવી  દિલ્હી : આ વર્ષે બોલિવૂડ ખેલાડી અક્ષય કુમારે પોતાના ચાહકો માટે કેસરી રિલીઝ કરીને તેમની હોળી સુધારી દીધી છે. દર્શકોએ પણ ફિલ્મને જબરદસ્ત ઓપનિંગ આપી છે. આ ફિલ્મે બોક્સઓફિસને પોતાના રંગમાં રંગી નાખી છે અને વર્ષની સૌથી મોટી ઓપનિંગ મેળવનાર ફિલ્મ બની છે. અત્યાર સુધી 2019નું સૌથી મોટું ઓપનિંગ ગલી બોયના નામે હતું પણ હવે એ અક્ષય કુમારની કેસરીના નામે થઈ ગયું છે. 

બોક્સ ઓફિસ ઇન્ડિયાના રિપોર્ટ પ્રમાણે ફિલ્મે પહેલા દિવસે 21.50 કરોડ રૂપિયાની કમાણી કરીને ધમાકેદાર ઓપનિંગ કર્યું છે. અક્ષય કુમારે ફરી એકવાર સાબિત કરી દીધું છે કે તે બોલિવૂડનો રિયલ સ્ટાર છે. ફિલ્મ નિર્માતા કરણ જોહરે પણ આ ખુશખબર સોશિયલ મીડિયામાં શેયર કર્યું છે.