ચંદીગઢ MMS લીકકાંડ મુદ્દે દેશમાં બબાલ, સોનૂ સૂદ અને મનોજ મુંતશિરે લોકોને કરી અપીલ

નવી દિલ્હીઃ Chandigarh University MMS Leak: ચંદીગઢ યુનિવર્સિટીમાં 60 વિદ્યાર્થિનીઓનો કથિત એમએમએસ લીકનો મામલો દેશભરમાં ચર્ચામાં છે. રિપોર્ટ પ્રમાણે MMS લીક બાદ 8 યુવતીઓએ આપઘાતનો પ્રયાસ કર્યો હતો, જેમાં એકની હાલત ગંભીર છે. પરંતુ યુનિવર્સિટી પ્રશાસને આપઘાત પ્રયાસની ઘટનાનો ઇનકાર કર્યો છે. આ વચ્ચે બોલીવુડ અભિનેતા સોનૂ સૂદે પોતાનું રિએક્શન આપ્યું છે. તેમણે આ ઘટનાને દુર્ભાગ્યપૂર્ણ ગણાવતા લોકોને વીડિયો શેર ન કરવાની અપીલ કરી છે. 

સોનૂ સૂદે લોકોને કરી અપીલ
ચંદીગઢ યુનિવર્સિટીની વિદ્યાર્થિનીઓના MMS લીક મામલામાં સોનૂ સૂદે લખ્યુ- ચંદીગઢ યુનિવર્સિટીમાં જે પણ થયું તે ખુબ દુર્ભાગ્યપૂર્ણ છે, હવે સમય આવી ગયો છે કે આપણે આપણી બહેનોની સાથે ઉભુ રહેવું જોઈએ અને એક જવાબદાર સમાજની મિસાલ આપવી જોઈએ. આ સમય આપણા બધા માટે પરીક્ષાનો સમય છે ન કે પીડિતો માટે. જવાબદાર બનો.