રિલીઝ પહેલાં જ લિક થઈ ગયું અમિતાભ-તાપસીની બદલાનું સસ્પેન્સ !
આ મર્ડર-મિસ્ટ્રી 8 માર્ચે રિલીઝ થવાની છે
મુંબઈ : અમિતાભ બચ્ચન અને તાપસી પન્નુ અભિનીત ફિલ્મ બદલા 8 માર્ચે મહિલા દિવસે રિલીઝ થવાની છે. આ ફિલ્મ એક મર્ડર મિસ્ટ્રી છે. આ ફિલ્મના ટ્રેલર પછી સ્પષ્ટ થઈ જાય છે કે તાપસી પર મર્ડરનો આરોપ છે અને અમિતાભ બચ્ચન તેના વકીલ કે જાસૂસના રોલમાં છે. અમિતાભનું કામ રિયલ વિલનને શોધવાનું છે. આ એક મહત્વનું સસ્પેન્સ છે પણ ફિલ્મની રિલીઝ પહેલાં આ સસ્પેન્સ લીક થઈ ગયું હોવાની ચર્ચા છે.
ડેક્કન ક્રોનિકલના રિપોર્ટ પ્રમાણે ફિલ્મમાં રિયલ વિલન તાપસીનો પતિ છે. તાપસીના પતિનો રોલ માનવ કૌલ ભજવી રહ્યો છે. પહેલાં ચર્ચા હતી કે આ ફિલ્મમાં શાહરૂખ ખાનનો ખાસ રોલ છે અને તે જ ખૂની છે. જોકે હવે ખૂની તરીકે માનવ કૌલના નામની ચર્ચા છે. ફિલ્મમાં અમૃતા સિંહનો પણ ખાસ રોલ છે.