`દે દે પ્યાર દે`નું નવું ગીત રિલીઝ, અજયનો પત્ની અને ગર્લફ્રેન્ડ સાથે ડબલ રોમાન્સ

નવી દિલ્હી : અજય દેવગન ફરીવાર પોતાની દમદાર સ્ટાઇલથી બોક્સઓફિસ ગજવવા આવી રહ્યો છે. તેની આગામી ફિલ્મ દે દે પ્યાર દેનું લેટેસ્ટ સોંગ 'મુખડા વેખ કે' રિલીઝ થઈ ગયું છે. આ ગીતમાં અજય દેવગનની ગજબની સ્ટાઇલ દેખાઈ રહી છે. આમાં તે પત્ની તબ્બુ અને ગર્લફ્રેન્ડ રકુલ પ્રીત સિંહ સાથે જોવા મળી રહ્યો છે. 

આ ફિલ્મમાં અજય દેવગન અને રકુલ પ્રીત સિંહ પહેલીવાર સાથે કામ કરી રહ્યા છે. ફિલ્મમાં તબ્બુ પણ મહત્વના રોલમાં જોવા મળશે. આ ફિલ્મ આવતા મહિને 17 મેના દિવસે રિલીઝ થશે. આ ફિલ્મમાં તબ્બુ સાથે એક વખત પરણી ચુકેલા અજય દેવગનનો તેનાથી બહુ નાની વયની રકુલ પ્રીત સિંહ સાથેનો રોમેન્સ દેખાડવામાં આવ્યો છે.