નવી દિલ્હી : બોલિવૂડની લોકપ્રિય અભિનેત્રી શબાના આઝમી (Shabana Azmi)ના માતા શૌકત કૈફી (Shaukat Kaifi)નું શુક્રવારે સાંજે મુંબઈ ખાતેના તેમના નિવાસસ્થાને કાર્ડિયક અરેસ્ટને કારણે અવસાન થઈ ગયું છે. તેઓ 91 વર્ષના હતા અને લાંબા સમયથી બીમાર હતા. તેઓ પોતાના બાળકો શબાના આઝમી અને બાબા આઝમી સાથે રહેતા હતા. શૌકત કૈફીએ પ્રસિદ્ધ ઉર્દુ કવિ અને ગીતકાર કૈફી આઝમી સાથે લગ્ન કર્યા હતા. કૈફીનું 2002માં મુંબઈ ખાતે નિધન થઈ ગયું હતું. 


કૈફીના જમાઇ અને લેખક-ગીતકાર જાવેદ અખ્તરે આ વાતનો પોતાના ટ્વિટર એકાઉન્ટ પર કન્ફર્મ કરી છે. શૌકત કૈફીએ બાઝાર, ઉમરાવ જાન, ગરમ હવા અને મીરા નાયરની સલામ બોમ્બેમાં કામ કર્યુ હતું. તેમની છેલ્લી ફિલ્મ શાદ અલી દ્વારા ડિરેક્ટ કરવામાં આવેલી ફિલ્મ સાથિયા હતી. આ ફિલ્મમાં તેઓએ એક્ટિંગ કરી હતી.


Zee News App ડાઉનલોડ કરો, અમારી સાથે જોડાવો : facebook | twitter | youtube