`પીકુ` બનવા જઈ રહી છે અમિતાભની `The Intern`, 7 વર્ષ બાદ જોવા મળશે સાથે

નવી દિલ્હી: સોમવારે દીપિકા પાદુકોણે (Deepika Padukone) તેના પ્રશંસકોને સારા સમાચાર આપ્યા છે. દીપિકા પાદુકોણે તેની આગામી ફિલ્મ 'ધ ઇન્ટર્ન'નું (The Intern) પહેલું પોસ્ટર બહાર પાડ્યું હતું. વળી, દીપિકાએ પોસ્ટર શેર કરતાં કહ્યું હતું કે અમિતાભ બચ્ચન (Amitabh Bachchan) પણ આ ફિલ્મમાં તેની સાથે જોવા મળશે. બંને સાત વર્ષ પછી સાથે જોવા મળશે. અગાઉ આ બંને 'પીકુ' ફિલ્મમાં સાથે જોવા મળ્યા છે.

દીપિકાએ શેર કર્યું છે પોસ્ટર
અમિતાભ બચ્ચન (Amitabh Bachchan) સાથે ફરી કામ કરવા માટે દીપિકા પાદુકોણ ખૂબ જ ઉત્સાહિત છે. પોતાની પોસ્ટમાં તેણે પોતાની એક્સાઇટમેન્ટ વ્યક્ત કરી છે. ફિલ્મના પહેલા પોસ્ટરમાં દીપિકા પાદુકોણ (Deepika Padukone) અને અમિતાભ બચ્ચનનો પડછાયો જોવા મળ્યો છે. સાથે જ બેકગ્રાઉન્ડ પીળા રંગનું છે. આ ફિલ્મ હોલીવુડની ફિલ્મ 'ધ ઇંટર'ની (The Intern) હિન્દી રિમેક છે. ફિલ્મના પોસ્ટરને શેર કરતાં દીપિકાએ લખ્યું, 'સૌથી ખાસ સહ-અભિનેતા અમિતાભ બચ્ચન સાથે ફરી કામ કરવું એ સન્માનની વાત છે. હોલીવુડની ફિલ્મ ભારતીય અડેપ્ટેશન 'ધ ઇંટરન'માં તમારું સ્વાગત છે અમિતાભ બચ્ચન.

અમિતાભે પણ શેર કર્યું છે પોસ્ટર
આ સાથે જ અમિતાભ બચ્ચને (Amitabh Bachchan) પણ ફિલ્મનો ભાગ હોવા પર ખુશી વ્યક્ત કરી છે. તેમણે આ ફિલ્મનું પોસ્ટર પણ તેમના સોશિયલ મીડિયા હેન્ડલ પર શેર કર્યું છે. આ ફિલ્મની વાત કરીએ તો આ ફિલ્મ અમિત રવીન્દ્રનાથ શર્માને ડાયરેક્ટ કરશે. આ સાથે જ આ ફિલ્મનું નિર્માણ સુનીર ખેતરપાલ અને દીપિકા પાદુકોણ (Deepika Padukone) કરશે.

આ ફિલ્મ છે રિમેક
ફિલ્મની સ્ક્રીપ્ટ પર અક્ષત અને મિતેશ શાહ કામ કરી રહ્યા છે. આ ફિલ્મ 2015 ની હોલીવુડ ફિલ્મ 'ધ ઇન્ટર્ન'ની (The Intern) રિમેક છે. તે એક કોમેડી જોનરની ફિલ્મ છે, જેમાં રોબર્ટ ડી નીરો, એની હેથવે, રેની રુસો અને એડમ ડીવાઇન અભિનય કરતા જોવા મળ્યા હતા. આ ફિલ્મ લોકોને પસંદ આવી હતી. આ ફિલ્મનું નિર્દેશન નેન્સી મેયર્સ દ્વારા કરવામાં આવ્યું હતું. હવે અમિતાભ બચ્ચન (Amitabh Bachchan) અને દીપિકા પાદુકોણ (Deepika Padukone) આ હિન્દી રિમેકમાં જોવા મળશે.