હૈદ્રાબાદમાં દીપિકા પાદુકોણની વધી Heart Beat, સારવાર માટે પહોંચી હોસ્પિટલ

Deepika Padukone at Kamineni Hospital: દિપીકા પાદુકોણના ફેન્સ માટે ખરાબ સમાચાર છે. હૈદ્રાબાદમાં ફિલ્મ શૂટીંગ માટે પહોંચેલી દીપિકા પાદુકોણના હદયના ધબકારા વધી ગયા છે, ત્યારબાદ સારવાર માટે તેને હોસ્પિટલ જવું પડ્યું. દીપિકા પાદુકો આ સમસ્યાની સારવાર માટે હૈદ્રાબાદના કમિનેની હોસ્પિટલ પહોંચી હતી. જોકે સૂત્રોના જણાવ્યા અનુસાર સારવાર બાદ તે પોતાની હોટલ પહોંચી ગઇ છે. જ્યાં તેમને ઓબર્જવેશનમાં રાખવામાં આવી હતી. 

મીડિયા રિપોર્ટ્સનું માનીએ તો દીપિકા પાદુકોણ હાર્ટ બીટ વધવાની ફરિયાદ કરવા લાગી ત્યારબાદ તેણે ઉતાવળમાં હોસ્પિટલમાં એડમિટ કરવામાં આવી હતી. તે હૈદ્રાબાદની કમિનેની હોસ્પિટલમાં પહોંચી જ્યાં તેમનું ચેકઅપ કર્યું હતું. અત્યારે કહેવામાં આવી રહ્યું છે કે હોટલમાં આરામ કરી રહી છે અને ડોક્ટરની દેખરેખ હેઠળ છે.  

તો બીજી તરફ સાઉથના દરેક સમાચાર પર નખર રાખનાર મનોબાલા વિજયબાલને પોતાના ઓફિશિયલ ટ્વિટર એકાઉન્ટ પરથી ટ્વીટ કરીને જણાવ્યું કે દીપિકા હવે ઠીક છે અને પ્રોજેક્ટના શૂટિંગ પર પરત ફરી આવી છે. અત્યાર સુધી દીપિકા અથવા દીપિકાની પીઆર ટીમ તરફથી આમ કંઇ કહેવામાં આવ્યું નથી. પરંતુ મીડિયા રિપોર્ટ્સના અનુસાર હાલ દીપિકા આરામ કરી રહી છે.